सेलूतील खादी ग्रामोद्योग भांडारमध्ये २५ ऑक्टोबरपर्यंत खादीसह उलन कापडावर सूट
सेलू : सेलू येथील देवगिरी बँकेसमोरील खादी ग्रामोद्योग भांडारामध्ये खादी आणि उलनच्या कापडाचा भरपूर स्टॉक आकर्षक रेंज मध्ये उपलब्ध झाला असून
खरेदीवर २० टक्के सवलत दिली जात आहे. गुरुवारी, २ ऑक्टोबर रोजी महात्मा गांधी आणि लालबहादूर शास्त्री यांच्या जयंतीनिमित्त अभिवादन कार्यक्रम झाला. या वेळी भांडार व्यवस्थापक प्रवीण माणकेश्वर, कैलास कदम यांची प्रमुख उपस्थिती होती.
दरवर्षी प्रमाणे मराठवाडा मुक्तिसंग्राम दिनापासून खास दसरा आणि दिवाळी सणानिमित्त ग्राहकांना खरेदीवर २० टक्के सवलत दिली जात आहे. २५ ऑक्टोबर २०२५ पर्यंत ही सवलत राहिल, असे श्री.माणकेश्वर यांनी सांगितले. पांढर्‍या रंगातील खादी वस्त्रात विविध व्हरायटी उपलब्ध आहेत. याशिवाय अगरबत्ती, धूप भिमसेन कापूर, अष्टगंध, अत्तर, मंजन शाम्पू, साबण, चंदन पावडर, चंदन खोड, चंदन पेष्ट, चंदन हार, मध आदी अनेक खादी ग्रामोद्योगाची उत्पादने भरपूर स्टॉकमध्ये आहेत. खादीप्रेमीसह ग्राहकांनी सवलतीचा लाभ घ्यावा, असे आवाहन करण्यात आले आहे.
