नूतन विद्यालयात मतदार जागृतीसाठी उपक्रम
परभणी : सेलूतील नूतन विद्यालयात मतदार जागृती अभियानांतर्गत २१ नोव्हेंबर २१ रोजी एक अभिनव उपक्रम राबविण्यात आला. विद्यालयाच्या मैदानावर तब्बल २१०० विद्यार्थ्यांनी २०,००० चौरस फुट आकारात ‘वोट फॉर सेलू’ अशी मानवी साखळी कलात्मक मांडणी साकारून ‘वोट फॉर सेलू’ हा संदेश साकारत लोकशाही दृढ करण्याचा प्रभावी संदेश दिला.
निवडणूक निर्णय अधिकारी उदयसिंह भोसले, सहाय्यक निवडणूक निर्णय तहसीलदार डॉ.शिवाजी मगर, तुकाराम कदम, बीडीओ उदय जाधव, बीईओ गजानन वाघमारे, यांच्या मार्गदर्शनाखाली घेण्यात आला. उपक्रमाची संकल्पना चित्रकला विभाग प्रमुख किशोर कटारे व क्रीडा शिक्षक प्रशांत नाईक यांनी मांडली.
अध्यक्षस्थानी संस्थेचे अध्यक्ष डॉ. एस.एम.लोया होते. प्राचार्य डॉ. विनायकराव कोठेकर, जयप्रकाश बिहाणी, प्रभारी मुख्याध्यापक किरण देशपांडे, रोहीदास मोगल, शंकर बोधनापोड, परसराम कपाटे, उल्हास पांडे आदी मान्यवर उपस्थित होते. श्री.कदम यांनी मतदानाचे महत्त्व पटवून दिले. मतदानाची शपथ कीर्ती राऊत यांनी दिली. प्रास्ताविक बाळू बुधवंत यांनी केले. सूत्रसंचालन डॉ.काशिनाथ पल्लेवाड यांनी तर डॉ.सुरेश हिवाळे यांनी आभार मानले. उपक्रमासाठी फुलसिंग गावित, सच्चिदानंद डाखोरे, संजय भुमकर तसेच शिक्षक व शिक्षकेतर कर्मचाऱ्यांनी विशेष परिश्रम घेतले.
