‘आउटस्टँडिंग व्हिजनरी लीडर अँड ट्रू चेंजमेकर’ या प्रतिष्ठेच्या पुरस्काराने नवी दिल्लीत गौरव
परभणी : राज्यमंत्री तथा परभणी जिल्ह्याच्या पालकमंत्री मेघना साकोरे-बोर्डीकर यांना अमेरिकेतील यु.एस. इंडिया एसएमई कौन्सिलतर्फे ‘आउटस्टँडिंग व्हिजनरी लीडर अँड ट्रू चेंजमेकर’ हा प्रतिष्ठेचा आंतरराष्ट्रीय पुरस्कार प्रदान करण्यात आला.
नवी दिल्लीतील भारत मंडपम येथे बुधवारी, २५ मार्च २०२६ रोजी आयोजित भव्य समारंभात त्यांना सन्मानित करण्यात आले. या सोहळ्यास अमेरिकेतील मेरीलँड राज्याचे काउंटी एक्झिक्युटिव्ह मार्क अर्लिख, आंध्र प्रदेशचे मंत्री कोंडापल्ली श्रीनिवास, कौन्सिलचे चेअरमन सुधाकर गंधे, सीईओ एलिझा पुलिवार्थी आणि नीरज खैरवाल आदींसह मान्यवरांची प्रमुख उपस्थिती होती. बोर्डीकर यांनी महिला सक्षमीकरण, लखपती दीदी योजना आणि सिल्क अँड मिल्क उपक्रमाद्वारे ग्रामीण भागात केलेल्या कार्याची दखल या पुरस्काराद्वारे घेण्यात आली आहे.लघु व मध्यम उद्योगांना चालना देणाऱ्या या जागतिक संस्थेने त्यांच्या नेतृत्वाचा गौरव केल्यामुळे महाराष्ट्राच्या सामाजिक विकासाला आंतरराष्ट्रीय स्तरावर ओळख मिळाली आहे. हा सन्मान राज्यासाठी अभिमानाची बाब मानली जात असून, यावेळी भारत आणि अमेरिकेतील अनेक उद्योजक उपस्थित होते.
