श्री नेमिनाथ दिगंबर जैन मंदिर समितीचा उपक्रम, ४५० विद्यार्थ्यांचा सहभाग
सेलू जि.परभणी : भगवान महावीर स्वामी जन्मकल्याणक महोत्सवानिमित्त सेलू येथील श्री नेमिनाथ दिगंबर जैन मंदिर समितीच्या वतीने आयोजित आंतरशालेय निबंध स्पर्धेला मोठा प्रतिसाद मिळाला. विविध शाळांमधील एकूण ४५० विद्यार्थ्यांनी सहभाग घेतला. प्रथम, व्दितीय, तृतीय आणि उत्तेजनार्थ विजेत्यांना रविवारी (२४ ऑगस्ट) आयोजित समारंभात प्रमाणपत्र आणि चांदीची नाणी स्वरूपात पारितोषिके देऊन गौरविण्यात आले.
अध्यक्षस्थानी अमिताभ काला तर विशेष अतिथी म्हणून किशोर काला, गीताराम कोकणे, दीपक बिनायके, शोभा बिनायके आणि कीर्ती राऊत उपस्थित होते. विजेत्यांमध्ये प्रथम क्रमांक : क्षितिजा कैलास खजिने, प्रिन्स इंग्लिश स्कूल, सेलू, द्वितीय क्रमांक : दिपाली ऋषी शेळके, तृतीय क्रमांक : अनुष्का गंगाधर खंदारे, उत्तेजनार्थ : मैथिली अनिल गावंडे, नूतन कन्या प्रशाला, सुमेधा दादाराव ताजने, बाहेती बिहाणी इंग्लिश स्कूल आणि तडवी मरिया तबसूम खालिद अली खान, यशवंत प्राथमिक शाळा यांचा समावेश आहे.
याप्रसंगी शिरीष संगई, अनिता बिनायके आणि सुनिता काला यांनी मनोगत व्यक्त केले. सपना काला, पूर्णिमा गंगवाल, शोभा बिनायके, नीलेश बिनायके, सपना काला आणि शमा बिनायके यांचाही विशेष सत्कार करण्यात आला. प्रास्ताविक सपना काला यांनी केले. मंगलचरण विद्या काला यांनी सादर केले. यादी वाचन राजश्री विश्वंभर यांनी केले. सूत्रसंचालन कश्मिरा बिनायके यांनी केले. मंगल देशमुख यांनी आभार मानले. कार्यक्रमाच्या यशस्वीतेसाठी राधिका काला, वर्षा बिनायके, अमित काला, ईश्वर जैन आणि वैभव संगई यांनी पुढाकार घेतला. कार्यक्रमाला राजकुमार गंगवाल, राजेंद्र बिनायके, अशोक काला, आनंद काला, महावीर आँचलिया, नेमीचंद जैन यांच्यासह पालक, विद्यार्थी मोठ्या संख्येने उपस्थित होते.
