सेलू : सेलू येथील नूतन विद्यालय कर्मचारी सहकारी पतपेढी लिमिटेड सेलूची २०२४-२५ या आर्थिक वर्षातील ६३ वी वार्षिक सर्वसाधारण सभा नूतन विद्यालयाच्या रा.ब.गिल्डा सभागृहात नुकतीच खेळीमेळीच्या वातावरणात उत्साहात पार पडली. अध्यक्षस्थानी पतपेढीचे अध्यक्ष तथा मुख्याध्यापक संतोष पाटील होते. या वेळी मुख्याध्यापिका निशा पाटील, उल्हास पांडे, उपाध्यक्ष एकनाथ जाधव, सचिव शशिकांत देशपांडे, सहसचिव बापूसाहेब पानझाडे, संचालक बाबासाहेब हेलसकर, बी.एन.पदमावत, सतीश कुंडीकर, सुनील तोडकर, सीमा सुक्ते, प्रशांत सावरगावकर, कल्पना चौधरी, रेणुका अंबेकर, अर्चना कुलकर्णी, यशवंत कुलकर्णी यांची उपस्थिती होती.
प्रारंभी सचिव श्री.देशपांडे यांनी २०२४-२५ या आर्थिक वर्षातील ताळेबंदपत्रक सादर केला. एकूण भागभांडवल ११ लाख ७८ हजार ६८० रुपये असून ठेवी १ कोटी ११ लाख २५ हजार २३२ रूपये, कर्जवाटप १ कोटी ६९ लाख ५७ हजार ६३५ रुपये आहे. सरत्या आर्थिक वर्षात एकूण नफा १२ लाख ४४ हजार ४४० रूपये असून दहा टक्के दराने सभासदांना लाभांश, तर सात टक्के दराने ठेवीवरील व्याज वाटप करण्यात आले. संस्थेला ऑडिट वर्ग ‘ब’ प्राप्त असून, नेट एनपीए शून्य टक्के आहे, अशी माहिती सभेत देण्यात आली. यावेळी विविध ठरावांना मंजुरी देण्यात आली. दहावी, बारावी, शिष्यवृत्तीधारक विद्यार्थी तसेच कर्मचाऱ्यांचा सत्कर करण्यात आला. प्रास्ताविक संतोष पाटील यांनी केले. अहवाल व सूत्रसंचालन शशिकांत देशपांडे यांनी केले. यादीवाचन सुनील तोडकर, सीमा सुक्ते, बापूसाहेब पानझाडे यांनी केले. तर आभार सतीश कुंडीकर यांनी आभार मानले. सभेसाठी सभासद, कर्मचाऱ्यांची उपस्थित होती.
