काँग्रेस, उबाठा शिवसेना आणि राष्ट्रवादी (अजित पवार गट) यांचा संयुक्त उमेदवार
सेलू : सेलू नगरपरिषदेच्या नगराध्यक्षपदाच्या निवडणुकीसाठी काँग्रेस, उबाठा शिवसेना आणि राष्ट्रवादी काँग्रेस पार्टीच्या (अजित पवार गट) वतीने आत्माराम बालाजी साळवे यांची उमेदवारी निश्चित करण्यात आली आहे. निवडणूक अर्ज दाखल करण्याचा शेवटचा दिवस असल्याने त्यांनी आज, १७ नोव्हेंबर रोजी अधिकृतपणे आपला उमेदवारी अर्ज सादर केला.अर्ज दाखल करताना काँग्रेस पक्षाचे तालुका अध्यक्ष हेमंत आडळकर, माजी नगराध्यक्ष पवन आडळकर, राष्ट्रवादी काँग्रेसचे (अजित पवार गट) पुरुषोत्तम पावडे, नामदेव डख, उबाठा शिवसेना गटाच्या मंगलताई कथले, किशोर भांडवले, रघुनाथ बागल, मिलिंद पवार, सभाजी पवार, पप्पू गाडेकर, इसाक पटेल, मदनराव पवार, मशीद बागवान, अमजद बागवान, विनोद तरटे, गोटू धापसे, नर्सिंग हरणे, सुदर्शन शेरे, निसार पठाण, सचिन राऊत, म्हात्रे, जयराम महाराज तांगडे तसेच सेलू शहर काँग्रेस कमिटीचे पदाधिकारी व कार्यकर्ते मोठ्या संख्येने उपस्थित होते.
