आंतरराष्ट्रीय सहकार वर्षानिमित्त आरबीआयच्या मार्गदर्शक सूचनांवर तज्ज्ञांचे मार्गदर्शन
सेलू : आंतरराष्ट्रीय सहकार वर्ष २०२५ निमित्त संचालक, विविध शाखांचे अधिकारी आणि कर्मचारी यांच्यासाठी महाराष्ट्र राज्य सहकारी संघ, पुणे अंतर्गत सहकार प्रशिक्षण केंद्र, छत्रपती संभाजीनगर यांच्या वतीने सेलू येथील साईबाबा नागरी सहकारी बँक आणि कर्मचाऱ्यांसाठी स्वयं-प्रेरणादायी व प्रशिक्षण कार्यशाळेचे सात डिसेंबररोजी बँकेच्या मुख्य कार्यालयात उत्साहात पार पडली. यावेळी प्रशिक्षक अरुण चमलवार यांनी सहकारी संस्थांमधील अधिकाऱ्यांची जबाबदारी, कर्तव्ये, निधी व्यवस्थापन, रिझर्व्ह बँकेच्या (आरबीआयच्या) मार्गदर्शक सूचना, सुरक्षित कर्ज वाटप, केवायसी, आर्थिक पत्रके, आर्थिक सुरक्षा आणि ऑडिट कामकाज आदी महत्त्वपूर्ण विषयांवर सखोल मार्गदर्शन केले. कार्यक्रमाच्या अध्यक्षस्थानी बँकेचे चेअरमन हेमंतराव आडळकर होते. व्यासपीठावर उपाध्यक्ष चंद्रशेखर मुळावेकर यांची उपस्थिती होती. मुख्य कार्यकारी अधिकारी रामराव लाडाने यांनी प्रास्ताविक केले, तर कार्यक्रमाचा आढावा प्रा. आर. बी. देशमुख यांनी सादर केला. व्यवस्थापक संतोष हुगे यांनी सूत्रसंचालन केले आणि दत्तराव पौळ यांनी आभार मानले.
