परभणी डाएटमध्ये आयोजन
परभणी : शिक्षकांमध्ये नवोपक्रम, शिक्षण ज्ञान रुजविण्यासाठी आणि शाळांमध्ये ‘नवोपक्रम मार्गदर्शक’ (इनोव्हेशन कोचेस) तयार करण्याच्या उद्देशाने परभणी जिल्हा शिक्षण व प्रशिक्षण संस्था आणि आयसर पुणेतर्फे तिसऱ्या टप्प्यातील विज्ञान-गणित शिक्षक विकास तीन दिवसीय प्रशिक्षण ९ ते ११ डिसेंबर २०२५ कालावधीत उत्साहात पार पडले. उद्घाटनप्रसंगी जिल्हा शिक्षण व प्रशिक्षण संस्थेचे प्राचार्य डॉ. सुदर्शन चिटकुलवर, वरिष्ठ अधिव्याख्याता डॉ. गणेश शिंदे उपस्थित होते. शिक्षकांना नवोपक्रम, विज्ञान-तंत्रज्ञान-अभियांत्रिकी-गणित शैक्षणिक आशयज्ञान आणि मूल्यमापन साधनांवर परभणी इनोव्हेशन चॅम्पिअन्स बाळासाहेब उघडे, कमल कांबळे, कल्पना दलाल, शुभांगी वाघ (पुणे) आणि तज्ज्ञांनी यांनी विविध सत्रात मार्गदर्शन केले.
या प्रशिक्षणद्वारै मुलांमध्ये सर्जनशीलता, समस्या सोडविण्याचा आणि नाविन्यपूर्ण दृष्टीकोन रुजवण्याचा शिक्षक प्रयत्न करतील, अशी अपेक्षा व्यक्त करण्यात आली. विज्ञान आणि तंत्रज्ञान मंत्रालय (भारत सरकार), आयसर पुणे, ब्रिटिश कौन्सिल, रॉयल सोसायटी ऑफ केमिस्ट्री, टाटा टेक्नॉलॉजीज आणि टाटा ट्रस्टस् यांच्या संयुक्त विद्यमाने संचालित आयराईज वतीने हे प्रशिक्षण आयोजित करण्यात आले होते. परभणी जिल्ह्यातील सहभागी ५५ गणित व विज्ञान शिक्षकांनी प्रमाणपत्रे देऊन गौरविण्यात आले.
