विविध उपक्रम आणि मान्यवरांची उपस्थिती
सेलू | प्रतिनिधी : जिल्हा परिषद प्राथमिक शाळा राजवाडी येथे क्रांतीज्योती सावित्रीबाई फुले यांची जयंती, बालिका दिन आणि वेशभूषा स्पर्धा अशा विविध कार्यक्रमांचे आयोजन करण्यात आले होते. या कार्यक्रमासाठी गावचे सरपंच दासाराम वायदंडे, उपसरपंच शिवहरी शेवाळे यांनी उपस्थित राहून विद्यार्थ्यांना मोलाचे मार्गदर्शन केले. या प्रसंगी त्यांनी शाळेच्या बाह्य भागाची रंगरंगोटी करून देण्याचे शेवाळे यांनी जाहीर केले. या कार्यक्रमास तंटामुक्ती अध्यक्ष दत्ताराव काष्टे, शालेय व्यवस्थापन समितीचे अध्यक्ष ज्ञानेश्वर काष्टे, उपाध्यक्षा शर्मिला शेवाळे तसेच जाधव, कऱ्हाळे आणि मुख्याध्यापिका धनश्री आगळे यांची प्रमुख उपस्थिती होती.
क्रांतीज्योती सावित्रीबाई फुले यांच्या जयंतीनिमित्त विद्यार्थ्यांनी त्यांच्या जीवन चरित्रावर आधारित प्रेरणादायी भाषणे केली. वेशभूषा स्पर्धेद्वारे विद्यार्थ्यांनी विविध सामाजिक संदेश दिले.
