शालेय शिस्त आणि विद्यार्थ्यांच्या प्रगतीवर मान्यवरांनी दिले मार्गदर्शन
सेलू : येथील मराठवाडा शिक्षण प्रसारक मंडळ संचलित न्यू हायस्कूल व उच्च माध्यमिक विद्यालय येथे विद्यार्थी, शिक्षक व पालक मेळावा नुकताच उत्साहात संपन्न झाला. सरस्वती माता आणि संस्थेचे आधारस्तंभ कै. विनायकराव पाटील यांच्या प्रतिमा पूजनाने कार्यक्रमाची सुरुवात करण्यात आली. या कार्यक्रमाच्या अध्यक्षस्थानी विद्यालयाचे प्राचार्य धनंजय भागवत हे होते. तर व्यासपीठावर दशरथ कांबळे, रामदास रोडगे, अंकुश राऊत, अशोक पौळ आणि अश्विनी नाडे यांची प्रमुख उपस्थिती होती. कार्यक्रमाचे प्रास्ताविक संतोष कुलकर्णी यांनी केले, त्यामध्ये त्यांनी मेळाव्याच्या आयोजनामागची भूमिका स्पष्ट केली.
विद्यार्थी आणि पालकांचा उत्स्फूर्त सहभाग
याप्रसंगी दत्तात्रय सोळंके, रामदास रोडगे तसेच दामिनी पथकाच्या अस्मिता मोरे आणि प्रनयना तेलगोटे यांनी उपस्थित पालकांना मार्गदर्शन केले. रामेश्वर गाडेकर यांनीही आपले मनोगत व्यक्त केले. शाळेतील उपक्रम आणि शिस्तीविषयी किंजल कांबळे, अश्विनी शिंदे, प्रणाली राऊत, सचिन कसबे आणि अदित्य शिंदे या विद्यार्थ्यांनी आपले विचार मांडले. कार्यक्रमाचे सूत्रसंचालन जी. के. तोटेवाड यांनी केले, तर उपस्थितांचे आभार धनंजय मोरे यांनी मानले. हा कार्यक्रम यशस्वी करण्यासाठी सुनील मोरे, एस. आर. रोंटेवाड, बाबासाहेब आव्हाड, नारायण काष्टे, अंगद मोरे आणि विष्णू गजमल यांनी विशेष परिश्रम घेतले. या मेळाव्यास शिक्षक, पालक व विद्यार्थी मोठ्या संख्येने उपस्थित होते.
