५४ गटांसाठी ४०८ तर १०८ गणांसाठी ८१४ अर्ज वैध
परभणी : परभणी जिल्हा परिषद आणि पंचायत समितीच्या सार्वत्रिक निवडणुकीसाठी दाखल झालेल्या अर्जांची गुरुवारी रात्री उशिरापर्यंत छाननी प्रक्रिया पार पडली. ५४ जिल्हा परिषद गटांसाठी एकूण ५८६ उमेदवारी अर्ज दाखल झाले होते, त्यापैकी ४०८ अर्ज वैध ठरले आहेत. तर, १०८ पंचायत समिती गणांसाठी प्राप्त ९४४ अर्जांपैकी ८१४ अर्ज वैध ठरले आहेत.
सोनपेठ तालुक्यात जिल्हा परिषद गटांसाठी २८ आणि ६ पंचायत समिती गणांसाठी ४२ उमेदवार वैध ठरले आहेत. गंगाखेड तालुक्यातील गटांमध्ये ४३ तर गणांमध्ये ७४ उमेदवार पात्र ठरले आहेत. परभणी तालुक्यात गटांसाठी ८८ आणि गणांसाठी १३९ उमेदवार वैध आहेत. सेलू तालुक्यात जिल्हा परिषद गटात ३१ आणि गणांसाठी ६६ उमेदवार निवडणूक रिंगणात पात्र ठरले आहेत. पालम तालुक्यात गटांतील २५ आणि गणांतील ४७ अर्ज वैध ठरले आहेत. पूर्णा तालुक्यात गटासाठी ६५ तर गणासाठी १४८ अर्जांना मंजुरी मिळाली आहे. जिंतूर तालुक्यातील गटांसाठी ७१ आणि गणांसाठी १४३ उमेदवारांचे अर्ज पात्र आहेत. पाथरी तालुक्यात गटासाठी ५७ तर गणासाठी ९८ उमेदवार रिंगणात आहेत. मानवत तालुक्यात गणातून १ अर्ज अवैध ठरला असून, आता गटासाठी ४८ तर गणांसाठी ५७ उमेदवारांचे अर्ज शिल्लक राहिले आहेत. रात्री उशिरापर्यंत वाजेपर्यंत ही प्रक्रिया सुरू असल्याने निवडणूक विभागाकडून गण आणि गटांची अंतिम यादी शुक्रवारी प्रसिद्ध करण्यात आली. २७ जानेवारी रोजी उमेदवारी अर्ज मागे घेण्याची मुदत आहे. त्यानंतर लढतीचे चित्र स्पष्ट होईल.
