भाजप २४, राष्ट्रवादी १५, शिवसेना ५, कॉंग्रेस ३, शिवसेना उबाठाचे ६, एक अपक्ष विजयी
परभणी : परभणी जिल्हा परिषदेच्या एकूण ५४ जागांसाठी झालेल्या निवडणुकीत भारतीय जनता पक्ष २४ जागा जिंकून सर्वात मोठा पक्ष ठरला आहे. त्या पाठोपाठ राष्ट्रवादी काँग्रेस अजित पवार पक्षाने १५ जागेवर विजय मिळविला आहे. शिवसेना उबाठा पक्षाने ६, शिवसेना शिंदे गटाचे ५ , काँग्रेसचे ३ आणि एका जागेवर अपक्ष उमेदवार विजयी झाला आहे.
सोमवारी ९ फेब्रुवारी रोजी सकाळी दहा वाजता मतमोजणी सुरू झाली. साडे दहा वाजल्यापासून कल हाती येऊ लागले. तसतसे समर्थकांचा जल्लोषही सुरू झाला. मतमोजणी परिसरात मोठ्या संख्येने समर्थकांची गर्दी जमली होती. परभणी तालुक्यात जिल्हा परिषदेच्या एकूण दहा जागा पैकी भारतीय जनता पक्षाला, दोन शिवसेना शिंदे गट दोन, शिवसेना उबाठा दोन, काँग्रेसला तीन आणि राष्ट्रवादी काँग्रेस अजित पवार पक्षाला एक जागा मिळाली आहे.
जिंतूर तालुक्यात जिल्हा परिषदेच्या एकूण दहा पैकी भाजपचे ६ उमेदवार विजयी ठरले आहेत, तर राष्ट्रवादी काँग्रेस अजित पवार पक्षाला चार जागा मिळाल्या आहेत. सेलू तालुक्यात पाचही जिल्हा परिषद गटात भारतीय जनता पक्षाचे उमेदवार विजयी झाले आहेत.गंगाखेड तालुक्यात एकूण सात पैकी भाजपाला पाच राष्ट्रवादीला एक आणि शिवसेना शिंदे गटाला एक जागा मिळाली आहे.
पाथरी तालुक्यात जिल्हा परिषदेच्या पाच पैकी चार जागांवर राष्ट्रवादी काँग्रेस अजित पवार पक्षाचे उमेदवार विजयी झाले आहेत. शिवसेना शिंदे गटाला एक जागा मिळाली आहे. पालम जिल्हा परिषदेच्या चार पैकी तीन गटात भाजपचे उमेदवार विजयी झाले आहे, तर शिवसेना उबाठा पक्षाला एक जागा मिळाली आहे. पूर्णा तालुक्यातील जिल्हा परिषदेच्या सहापैकी तीन जागेवर शिवसेना उबाठा पक्षाचे उमेदवार विजयी ठरले आहेत. तर राष्ट्रवादी अजित पवार पक्षाला एक भारतीय जनता पक्षाला एक आणि एका जागेवर अपक्ष उमेदवार विजयी झाला आहे.
मानवत तालुक्यात जिल्हा परिषदेच्या चार पैकी दोन जागांवर राष्ट्रवादी काँग्रेस अजित पवार पक्षाने विजय मिळविला आहे तर भारतीय जनता पक्ष आणि शिवसेना शिंदे गट यांना एक एक जागा मिळाली आहे
