प्रगत कीटकनाशक चाचणी व अवशेष विश्लेषण प्रयोगशाळेचा उद्घाटन सोहळा
परभणी दि. १४ : राज्याचे कृषिमंत्री दत्तात्रय भरणे हे शनिवार, दि. १५ ऑगस्ट २०२६ रोजी परभणी जिल्ह्याच्या दौऱ्यावर येणार आहेत. श्री. भरणे हे दुपारी १२.३० वाजता वाशिम येथून मोटारीने परभणी येथे येणार आहेत. वसंतराव नाईक मराठवाडा कृषी विद्यापीठ येथे आयोजित विविध कार्यक्रमांना ते उपस्थित राहतील.
यावेळी नैसर्गिक शेती व सेंद्रिय उत्पादनाला प्रोत्साहन देण्यासाठी उभारण्यात आलेल्या प्रगत कीटकनाशक चाचणी व अवशेष विश्लेषण प्रयोगशाळेचे उद्घाटन त्यांच्या हस्ते होणार आहे. यावेळी आयोजित कृषी परिसंवादातही ते मार्गदर्शन करतील. तसेच मराठवाडा कृषी विद्यापीठातील प्रकल्पग्रस्तांना प्रमाणपत्रांचे वाटप करण्यात येणार आहे.यानंतर दुपारी ३ वाजता कृषिमंत्री श्री. भरणे हे परभणी जिल्हा व शहर राष्ट्रवादी काँग्रेस पक्षाच्या प्रमुख पदाधिकाऱ्यांच्या बैठकीस उपस्थित राहणार आहेत. दुपारी ४ वाजता ते नांदेड येथील विमानतळाकडे मोटारीने प्रयाण करतील.
