स्वातंत्र्यदिनाच्या मुख्य शासकीय ध्वजारोहण सोहळयाचे आयोजन
परभणी, दि. १४ : भारताच्या ८० व्या स्वातंत्र्यदिनानिमित्त मुख्य शासकीय ध्वजारोहण समारंभ शनिवार, दि. १५ ऑगस्ट २०२६ रोजी सकाळी ९.०५ वाजता जिल्हाधिकारी कार्यालय, परभणी येथे आयोजित करण्यात आला आहे.राज्याच्या सार्वजनिक आरोग्य व कुटुंब कल्याण, पाणीपुरवठा व स्वच्छता, ऊर्जा, महिला व बालविकास आणि सार्वजनिक बांधकाम (सार्वजनिक उपक्रम) विभागाच्या राज्यमंत्री तथा परभणी जिल्ह्याच्या पालकमंत्री मेघना साकोरे-बोर्डीकर यांच्या हस्ते ध्वजारोहण करण्यात येणार आहे.
स्वातंत्र्यदिनाच्या या मुख्य शासकीय सोहळ्यास जिल्ह्यातील नागरिक, अधिकारी, कर्मचारी, लोकप्रतिनिधी तसेच विविध क्षेत्रातील मान्यवरांनी मोठ्या संख्येने उपस्थित राहावे, असे आवाहन जिल्हाधिकारी संजयसिंह चव्हाण यांनी केले आहे.समारंभासाठी उपस्थित राहणाऱ्या नागरिकांनी व निमंत्रितांनी कार्यक्रम सुरू होण्यापूर्वी किमान २० मिनिटे अगोदर उपस्थित राहावे, असेही प्रशासनाने कळविले आहे.
