पहिल्या टप्प्यात १,५०० घरांना जोडणी
परभणी, दि.१४ : परभणी जिल्हयातील नागरिकांसाठी आनंदाची व दिलासादायक बातमी आहे. पेट्रोलियम आणि नैसर्गिक वायू नियामक मंडळाने अधिकृत केलेल्या महाराष्ट्र नॅचरल गॅस लिमिटेड’ गेल आणि बीपीसीएलचा संयुक्त उपक्रम) कंपनी मार्फत परभणी शहरात सिटी गॅस वितरण’ अंतर्गत पाईप्ड नॅचरल गॅस आणि सीएनजी नेटवर्क उभारणीचे काम हाती घेण्यात आले आहे.
पहिल्या टप्प्यामध्ये परभणी शहरातील वसमत रोड परिसरातील शिवराम नगर, आनंद नगर, कृषी सारथी कॉलनी, मथुरा नगर, येळदळकर कॉलनी, वैभव नगर आणि भाग्य नगर या भागांमध्ये सुमारे ९.८ कि. मी. लांबीची एमडीपीई गॅस पाईपलाईन टाकण्यात येत असून, या‌द्वारे सुमारे १,५०० घरगुती स्वयंपाकघरांना थेट पाईपलाईन‌द्वारे गॅस जोडणी दिली जाणार आहे.
पीएनजी गॅसचे मुख्य फायदे व वैशिष्ट्ये — खर्चात बचत पीएनजी गॅस सध्याच्या एलपीजी सिलिंडरच्या तुलनेत सुमारे १० ते १५ टक्के स्वस्त असून सर्वसामान्यांच्या घरगुती खर्चात बचत होणार आहे.किचनपर्यंतच्या इन्फ्रास्ट्रक्चरचा खर्च मोफत– ग्राहकांच्या घराच्या/किचनच्या बाहेरील भिंतीपर्यंत गंस पाईपलाईन व आवश्यक इन्फ्रास्ट्रक्चर उभारण्याचा संपूर्ण खर्च एमएनजीएल कंपनी करणार असून, ग्राहकांकडून यासाठी कोणतेही शुल्क आकारले जाणार नाही. व डिलिव्हरीची वाट पाहण्याची गरज उरणार नाही.
२४ तास अखंडित पुरवठा– पाईपलाईन‌द्वारे २४ तास अविरत व सुरळीत गॅस पुरवठा सुरू राहणार असल्याने सिलिंडर संपण्याची भीती किंवा सिलिंडर बुकिंगअत्यंत सुरक्षित– पीएनजी हा नैसर्गिक वायू वायुरूपात पुरवला जातो, त्यामुळे तो घरगुती एलपीजी सिलिंडरपेक्षा अधिक सुरक्षित आहे. पर्यावरणपूरक हा गैस पूर्णपणे पर्यावरणपूरक, धूरमुक्त आणि प्रदूषणरहित आहे.वसमत रोड परिसरातील ज्या भागात पाइपलाइन चे काम सुरू आहे तेथील नागरिकांनी सुरक्षित स्वस्त आणि अखंडित गॅस पुरवठ्यासाठी पुढे येऊन या योजनेचा जास्तीत जास्त लाभ घ्यावा असे आवाहन जिल्हा प्रशासनातर्फे करण्यात येते.
