सेलू : येथील सौ.सावित्रीबाई बद्रीनारायणजी बिहाणी नूतन प्राथमिक शाळेतील शिक्षक अनिल पांडुरंगराव रत्नपारखी यांचा सेवानिवृत्तीच्या निमित्ताने रविवारी, ३ ऑगस्ट रोजी आयोजित कार्यक्रमात सपत्नीक सेवागौरव करण्यात आला. अध्यक्षस्थानी शालेय समितीचे अध्यक्ष मकरंद दिग्रसकर होते. व्यासपीठावर नूतन विद्यालय शिक्षण संस्थेचे अध्यक्ष डॉ.एस.एम.लोया, डी.के.देशपांडे, प्राचार्य डॉ.व्ही. के. कोठेकर, जयप्रकाशजी बिहाणी, दत्तराव पावडे, राजेश गुप्ता, प्राचार्य डॉ.शरद कुलकर्णी, अनिल रत्नपारखी, अनिता रत्नपारखी, एकनाथ जाधव, मुख्याध्यापक उल्हास पांडे उपस्थित होते.
प्रास्ताविक श्री. पांडे यांनी केले. रेखा डोळस यांनी स्वागत गीत सादर केले. सूत्रसंचालन सोनाली कुबरे यांनी, तर आभार अर्जुन पंडित यांनी मानले. याप्रसंगी रामकोर कुंभार, चेतन पानझाडे, देवकर, यशवंत कुलकर्णी, सतीश कुंडीकर, सुवर्णा तालखेडकर, आदित्य रत्नपारखी यांनी मनोगत व्यक्त केले. सत्काराला उत्तर देताना श्री.रत्नपारखी यांनी संस्थेविषयी कृतज्ञता व्यक्त केली. दरम्यान, विद्यार्थ्यांच्या शैक्षणिक उपक्रमासाठी सोमवारी एक लाख रुपये देणगीचा धनादेश त्यांनी संस्था पदाधिकाऱ्यांकडे सुपूर्द केला.
मुक्तीसंग्रामातून त्याग, शौर्याची प्रेरणा
प्रा.किरण सोनटक्के यांचे प्रतिपादन, रायरेश्वर विद्यालयात ध्वजारोहण उत्साहात परभणी : जुलमी आणि हुकूमशाही निजाम सत्तेविरोधातील मराठवाडा मुक्तीसंग्रामाचा इतिहास जाज्वल्य आहे....
