सेलू : सेलू शहरात मंगळवारी, २६ ऑगस्ट रोजी अमली पदार्थविरोधी जनजागृतीसाठी सायकल रॅलीचे आयोजन करण्यात आले होते. या उपक्रमाला सेलूवासीयांचा भरघोस प्रतिसाद लाभला. विविध शाळांचे विद्यार्थी, शिक्षक, पालक आणि नागरिक मोठ्या संख्येने सहभागी झाले होते.
नूतन विद्यालयासमोरून या रॅलीचे उद्घाटन करण्यात आले. यावेळी बोलताना जिल्हा पोलिस अधीक्षक रवींद्रसिंह परदेशी यांनी ‘ड्रग हा एक राक्षस असून, तो आपल्या सुसंस्कृत समाजात शिरकाव करू नये यासाठी प्रत्येकाने दक्ष राहिले पाहिजे,’ इंटरनेटच्या माध्यमातूनही ड्रग्सची समस्या वाढत असून, विद्यार्थ्यांनी सतर्क राहणे आवश्यक असल्याचे नमूद केले. यावेळी अपर पोलिस अधीक्षक सुरेश गुंजाळ, उपविभागीय पोलिस अधिकारी दीपक वाघमारे , पोलिस निरीक्षक दीपक बोरसे यांच्यासह उद्योजक नंदकिशोर बाहेती, जयप्रकाश बिहाणी, डॉ. ऋतुराज साडेगावकर, ॲड. बाळासाहेब रोडगे, डॉ. विलास मोरे, डॉ. रवींद्र घोडके आदी मान्यवर उपस्थित होते. सूत्रसंचालन अस्मिता मोरे यांनी केले. गटकळ करिअर अकॅडमी, कमांडो करिअर अकॅडमी, कस्तुरबा गांधी बालिका विद्यालय, नूतन विद्यालयासह अनेक शाळांचे विद्यार्थी सहभागी झाले होते. नाटिका आणि गीतांतून जनजागृती करण्यात आली. परभणी पोलिस दलाने सादर केलेल्या व्यसनावर आधारित प्रात्यक्षिकाने उपस्थितांची दाद मिळवली. व्यसनमुक्तीची शपथही देण्यात आली.
मुक्तीसंग्रामातून त्याग, शौर्याची प्रेरणा
प्रा.किरण सोनटक्के यांचे प्रतिपादन, रायरेश्वर विद्यालयात ध्वजारोहण उत्साहात परभणी : जुलमी आणि हुकूमशाही निजाम सत्तेविरोधातील मराठवाडा मुक्तीसंग्रामाचा इतिहास जाज्वल्य आहे....
