शाखा व्यवस्थापक भाऊसाहेब ठोंबरे सेवानिवृत्त

सेलू शाखेतर्फे सेवा गौरव सोहळा उत्साहात

सेलू : येथील भारतीय आयुर्विमा महामंडळाचे (LIC) शाखा व्यवस्थापक भाऊसाहेब ठोंबरे हे ३१ जुलै २०२५, गुरुवार रोजी प्रदीर्घ सेवेनंतर सेवानिवृत्त झाले. यानिमित्त सेलू शाखेच्या वतीने त्यांचा सेवा गौरव सोहळा आयोजित करण्यात आला होता.

यावेळी नागेश पुराणिक, योगेश जयभाये, प्रभाकर भांडवले, शमशोदिन शेख, उपेंद्र बेल्लुरकर, भास्कर हिप्परगे, किरण गुंडेकर, प्रदीप कनकाटे, शिवाजी अघाव, कृष्ण बोराडे आणि संपत कपाळे यांनी ठोंबरे यांच्या कार्याविषयी मनोगत व्यक्त केले. या कार्यक्रमाच्या अध्यक्षस्थानी शाखा व्यवस्थापक संतोष कोडगिरकर होते, तर योगेश जयभाये प्रमुख पाहुणे म्हणून उपस्थित होते.

या सोहळ्यात भाऊसाहेब ठोंबरे यांचा पत्नीसह शाल, श्रीफळ, भेटवस्तू देऊन सत्कार करण्यात आला. हा कार्यक्रम यशस्वी करण्यासाठी सुभाष राठोड, जाकेर शेख, शमशोदिन शेख, रामा धोतरे, अमर पाटील, नामदेव मुंढे, राजकुमार नाईकवाडे, संपत कपाळे, वसंत डख, साहेबराव राठोड, संदीप जाधव, शिवाजीराव इंगळे, बळीराम पाते, बाबासाहेब जगदाळे, व्ही. डी. शिंदे, बंडू कटारे, बाळासाहेब पिंपळे, हरिभाऊ बालटकर, मुंजा राऊत, शंकर जिवने, अरुण साळवे, सौ. मेघना उपेंद्र बेल्लुरकर, सौ. सिंधू अघाव आणि सौ. संगीता कोडगिरकर यांनी परिश्रम घेतले. यावेळी कर्मचारी, विकास अधिकारी, अधिकारी आणि विमा प्रतिनिधी मोठ्या संख्येने उपस्थित होते. कार्यक्रमाचे सूत्रसंचालन आणि आभार प्रदर्शन मन्मथ देवडे यांनी केले.