प्रशासनाचे आवाहन
परभणी : परभणी तालुक्यातील संजय गांधी निराधार, श्रावणबाळ निवृत्ती वेतन व इंदिरा गांधी राष्ट्रीय योजनेतील दिव्यांग लाभार्थ्यांनी युडीआयडी कार्ड व आधारकार्डाची प्रत तहसील कार्यालय, परभणी येथे तातडीने सादर करावी. ज्या लाभार्थ्यांनी अद्याप युडीआयडी कार्ड व आधारकार्डाची झेरॉक्स प्रत सादर केलेली नाही, अशा लाभार्थ्यांचे अनुदान तात्पुरते होल्ड करण्यात आले आहे. लाभार्थ्यांनी पुढील आठ दिवसांत प्रत सादर करून पडताळणी करून घ्यावी, असे आवाहन तहसीलदार डॉ. सदीप राजापुरे यांनी केले आहे. पडताळणी न केल्यास लाभार्थी अनुदानापासून वंचित राहिल्यास त्याची सर्वस्वी जबाबदार संबंधित लाभार्थ्याची राहील, असे तहसीलदार डॉ. राजापुरे यांनी कळविले आहे.
