न्यू हायस्कूलमध्ये ७० विद्यार्थ्यांना शालेय साहित्याचे वाटप

अण्णाभाऊ साठे जयंती व लोकमान्य टिळक पुण्यतिथीनिमित्त उपक्रम

सेलू : येथील मराठवाडा शिक्षण प्रसारक मंडळ संचालित न्यू हायस्कूल व उच्च माध्यमिक विद्यालय येथे लोकशाहीर अण्णाभाऊ साठे यांची जयंती व लोकमान्य बाळ गंगाधर टिळक यांच्या पुण्यतिथीनिमित्त ‘हात मदतीचा’ उपक्रमांतर्गत ७० विद्यार्थ्यांना शालेय साहित्याचे वाटप करण्यात आले.

हा उपक्रम सामाजिक कार्यकर्ते सुनील गायकवाड यांच्या संकल्पनेतून पार पडला.कार्यक्रमाच्या अध्यक्षस्थानी स्थानिक शालेय समितीचे अध्यक्ष अशोक काकडे हे होते. या प्रसंगी ज्येष्ठ पत्रकार नारायण पाटील, डॉ. अशोक नाईकनवरे, डॉ. किशोर जवळेकर, लक्ष्मी भागवत, संयोजक सुनील गायकवाड, सेवानिवृत्त प्रा. डि. बी. गायकवाड, प्रकाश उक्कलगावकर, मोहन आनंदगावकर, प्रशांत रघुवंशी, रविंद्र मुळावेकर, मुख्याध्यापक धनंजय भागवत, पर्यवेक्षक आर. व्ही. जगताप, देवेंद्र कुरा व शुकाचार्य शिंदे यांची प्रमुख उपस्थिती होती.शहरातील दानशूर नागरिकांच्या सहकार्यातून मागील ८ वर्षांत २७९३ विद्यार्थ्यांना शालेय साहित्याचे वाटप केले असून सेलूतील ५ शाळांमध्ये हा उपक्रम अविरत सुरू असल्याचे प्रास्ताविकात सुनील गायकवाड यांनी सांगितले. अध्यक्षीय भाषणात अशोक काकडे यांनी या उपक्रमाचे कौतुक करून संयोजकांचे अभिनंदन केले. तसेच प्रा. डि. बी. गायकवाड, मोहन आनंदगावकर व आर. व्ही. जगताप यांनीही मनोगत व्यक्त केले.कार्यक्रमाचे सूत्रसंचालन प्रा. संतोष कुलकर्णी यांनी केले तर आभार मुख्याध्यापक धनंजय भागवत यांनी मानले. कार्यक्रम यशस्वी करण्यासाठी शरद मगर, रामेश्वर गाडेकर, धनंजय मोरे, संदीप काष्टे, गंगाधर तोटेवाड आणि नारायण काष्टे यांनी परिश्रम घेतले.