४ डिसेंबरला नामसंकीर्तन महोत्सव
छत्रपती संभाजीनगर : येथील संतकृपा सेवा प्रतिष्ठान व श्रीसंत विष्णुदास ह.भ.प. नामदेवबाबा महाराज चारठाणकर आध्यात्मिक वारकरी शिक्षण संस्था, श्रीक्षेत्र मुकुंदनगर यांच्या वतीने संयोजकांच्या आई-वडिलांच्या पुण्यस्मरण दिनानिमित्त “ मराठवाडा विभागीय अभंगवाणी अभंग गायन स्पर्धा महोत्सव व नामसंकीर्तन उत्सव” आयोजित करण्यात आला आहे.
हा भव्य सोहळा गुरुवार, दि. ४ डिसेंबर २०२५ रोजी सकाळी १० ते सायं. ४ या वेळेत जगतगुरू श्री संत शिरोमणी तुकाराम महाराज सभागृह, संतकृपा वाणिज्य संकुल शाॅपिंग काॅम्प्लेक्स, श्रीविठ्ठल-रुख्मिणीमाता मंदिर, मुकुंदनगर या ठिकाणी पार पडणार आहे. मराठवाड्यातील वारकरी शिक्षण संस्थांमध्ये शिकणाऱ्या मुला-मुलींना अभंग गायन सादर करण्याची सुवर्णसंधी मिळणार आहे.
मान्यवर परीक्षकांच्या उपस्थितीत स्पर्धकांना सहभागी सन्मानपत्र, ट्रॉफी आणि रोख बक्षीस देऊन गौरविण्यात येईल.प्रथम पाच क्रमांकांना ५,०००/-, ४,०००/-, ३,०००/-, २,०००/- व १,०००/- अशी बक्षिसे देण्यात येणार असून यातील दोन बक्षिसे मुलींसाठी राखीव असतील. सहभाग फी ₹१०१ असेल.
कार्यक्रमाचे उद्घाटन व हरीनाम संकीर्तन ह.भ.प. श्री अशोक महाराज ईदगे आळंदीकर यांच्या हस्ते होणार असून मध्यांतरी ह.भ.प. सौ. अलकाताई बोराडे यांचे हरीनाम संकीर्तन होईल. तसेच समारोप श्रीसंत विष्णुदास नामदेवबाबा महाराज चारठाणकर यांच्या नामसंकीर्तनाने होणार आहे. त्यानंतर स्पर्धेचा निकाल व पारितोषिक वितरण करण्यात येईल.
सहभागींसाठी स्पर्धकांसाठी चहा-नाष्टा व महाप्रसाद भोजनाची व्यवस्था करण्यात आली आहे.तरी स्पर्धेत सहभागी होण्यासाठी नोंदणी ३० नोव्हेंबर २०२५ पर्यंत संस्थेच्या लेटरहेडवर प्रत्यक्ष अथवा मोबाईलद्वारे संस्थाचालकांनी नावे पाठवून जास्तीत जास्त संख्येने आपला सहभाग नोंदवावा. असे आवाहन संयोजक आहे.श्री. डॉ. दत्तात्रय शेषराव ठुबे पाटोदकरसंस्थापक अध्यक्ष, वारकरी शिक्षण संस्था, श्रीक्षेत्र मुकुंदनगर, संभाजीनगर यांनी केले आहे.
