उमेद महिला तालुका संघटनेच्या विविध मागण्यांसाठी आमदार सईताई डहाके यांना निवेदन

महिलांच्या अडचणी जाणून घेत प्रश्न सोडविण्यासाठी पाठपुराव्याची आमदारांची ग्वाही

वाशिम: उमेद महिला तालुका संघटनेच्या वतीने महिलांच्या विविध प्रलंबित मागण्या आणि अडचणींसंदर्भात कारंजा-मानोरा विधानसभा मतदारसंघाच्या आमदार सईताई डहाके यांना मागणी निवेदन सादर करण्यात आले. यावेळी उमेद महिला संघटनेच्या महिला भगिनी मोठ्या संख्येने उपस्थित होत्या. महिलांनी आपल्या विविध समस्या, मागण्या तसेच दैनंदिन कामकाजात येणाऱ्या अडचणी आमदार डहाके यांच्यासमोर मांडल्या.

उमेद अभियानाच्या माध्यमातून ग्रामीण भागातील महिला बचतगटांच्या माध्यमातून एकत्र येऊन आर्थिकदृष्ट्या सक्षम होण्याचा प्रयत्न करीत आहेत. मात्र, विविध स्तरांवर येणाऱ्या अडचणी, प्रशासनाशी संबंधित प्रश्न तसेच महिलांच्या आर्थिक व सामाजिक सक्षमीकरणाशी निगडित काही मागण्या प्रलंबित असल्याचे यावेळी महिलांनी सांगितले.महिला भगिनींनी मांडलेल्या प्रश्नांची आमदार सईताई डहाके यांनी गांभीर्याने दखल घेत त्यांच्याशी संवाद साधला. महिलांच्या समस्या केवळ ऐकून न घेता त्या सोडविण्यासाठी आवश्यक त्या स्तरावर पाठपुरावा करण्याची ग्वाही त्यांनी यावेळी दिली.*‘महिला सशक्त झाल्या तर कुटुंब आणि समाज अधिक सक्षम होतो’*यावेळी आमदार सईताई डहाके म्हणाल्या की, महिलांच्या सक्षमीकरणासाठी शासनाच्या विविध योजना प्रभावीपणे राबविणे आणि त्याचा लाभ तळागाळातील महिलांपर्यंत पोहोचणे आवश्यक आहे. महिलांना आर्थिकदृष्ट्या स्वावलंबी करण्यासाठी बचतगट आणि उमेदसारख्या उपक्रमांची भूमिका महत्त्वाची आहे. महिलांच्या प्रश्नांकडे संवेदनशीलतेने पाहणे ही सर्वांचीच जबाबदारी आहे.महिलांनी मांडलेल्या मागण्यांचा सकारात्मक विचार करून संबंधित विभागाच्या अधिकाऱ्यांशी चर्चा करण्यात येईल. आवश्यक त्या मागण्यांसाठी शासनस्तरावरही पाठपुरावा केला जाईल, असे आश्वासन आमदार डहाके यांनी दिले.दरम्यान, आमदारांसोबत झालेल्या या संवादामुळे आपल्या समस्या योग्य पातळीवर मांडल्या गेल्याचे समाधान महिला भगिनींनी व्यक्त केले. महिलांच्या प्रश्नांसाठी संघटितपणे पाठपुरावा करण्याचा निर्धारही यावेळी व्यक्त करण्यात आला.महिलांच्या आर्थिक, सामाजिक आणि कौटुंबिक सक्षमीकरणासाठी शासन, प्रशासन आणि लोकप्रतिनिधी यांनी समन्वयाने काम करण्याची गरज असून, उमेद महिला संघटनेच्या माध्यमातून ग्रामीण भागातील महिलांना आत्मनिर्भर करण्याच्या प्रयत्नांना अधिक बळ मिळणे आवश्यक असल्याचे यावेळी उपस्थितांनी सांगितले.