महामंडलेश्वर स्वामी शिवगिरि महाराज यांचे प्रवचन, विविध कार्यक्रम
सेलू : राष्ट्रसंत सद्गुरु जनार्दन स्वामीजी यांचे कृपापात्र शिष्य आणि त्र्यंबकेश्वर येथील पंचदशनाम जुना आखाडाचे राष्ट्रीय अध्यक्ष श्री श्री १००८ महामंडलेश्वर पूज्य स्वामी श्री शिवगिरिजी महाराज यांच्या प्रमुख उपस्थितीत दोन दिवसीय सहस्रामृत सोहळ्याचे आयोजन करण्यात आले आहे. स्वामी शिवगिरी महाराज यांच्या मधुर वाणीतून गुरुवारी, २३ एप्रिल रोजी सायंकाळी पाच वाजता
संगीतमय प्रवचन आहे. सेलू (जि.परभणी) येथील महेशनगरातील श्री साईबाबा मंदिरात हा कार्यक्रम होणार आहे.
सौ.पार्वती आणि शंकरराव बाबूराव हेलसकर यांच्या सहस्त्रचंद्रदर्शन तसेच सौ.विजया आणि दत्तात्रेय काशीनाथ गोरे यांच्या अमृतमहोत्सवानिमित्त नारायण हेलसकर आणि बाबासाहेब हेलसकर परिवारातर्फे हा सोहळा आयोजिण्यात आला आहे. यानिमित्ताने बुधवारी विविध धार्मिक कार्यक्रम आहेत. जागतिक पुस्तक दिनानिमित्त ग्रंथ व शाळापयोगी लेखन साहित्य तुला करण्यात येणार आहे. प्रवचन आणि सोहळ्यास भाविकांनी उपस्थित राहावे, असे आवाहन मीरा व नारायण हेलसकर, स्वाती व बाबासाहेब हेलसकर, आश्विनी व अजित गोरे, छाया व दिलीपराव हलगे आणि अर्चना व अमोल झोटिंग तसेच हेलसकर परिवार आणि संयोजन समितीच्या वतीने करण्यात आले आहे.
