सेलूत ५५५ विद्यार्थ्यांनी दिली परीक्षा
सेलू : सेलू तालुकास्तरीय शिष्यवृत्ती सराव परीक्षेस उत्स्फूर्त प्रतिसाद मिळाला. शिक्षण विभाग पंचायत समिती, श्री केशवराज बाबासाहेब विद्यालय, कल्याणम एज्युकेशन सोसायटी आणि माजी विद्यार्थी संघ यांच्या संयुक्त विद्यमाने सोमवारी, २ फेब्रुवारी रोजी आयोजित या परीक्षेसाठी इयत्ता ५ वी व ८ वीचे तब्बल ५५५ विद्यार्थी प्रविष्ट झाले.
विद्यार्थ्यांमधील स्पर्धात्मक गुणांना चालना देण्यासाठी या परीक्षेचा निश्चित उपयोग होईल, असे मत गटविकास अधिकारी उदय जाधव यांनी व्यक्त केले. तसेच पहिल्यांदाच इतक्या मोठ्या प्रमाणावर विद्यार्थी सहभागी झाल्याबद्दल त्यांनी आयोजकांचे कौतुक केले. यावेळी पोलीस निरीक्षक दीपक बोरसे, केंद्रप्रमुख विजय चिकटे, अरुण राऊत, ललित बिनायके, जयंत दिग्रसकर, डॉ. प्रवीण जोग यांनी भेट देऊन विद्यार्थ्यांना शुभेच्छा दिल्या.या परीक्षेच्या यशस्वीतेसाठी गटशिक्षणाधिकारी गजानन वाघमारे, मुख्याध्यापक संजय धारासुरकर व सिद्धार्थ एडके यांच्या मार्गदर्शनाखाली स्पर्धा समन्वयक योगेश ढवारे, नरेश पाटील, निशिकांत पाटील, निधी पाटील, दिलीप चव्हाण, कृष्णा पांचाळ, कालिदास जोशी, कैलास राऊत, नामदेव क्षीरसागर तसेच विठ्ठल काळे, अण्णासाहेब गायकवाड, बाबासाहेब बदाले आणि श्याम मुंडे यांनी परिश्रम घेतले.
