वालूर, मोरेगाव आणि डासाळा गणात मतदारांचा उदंड प्रतिसाद
सेलू : सेलू तालुक्यात पार पडलेल्या जिल्हा परिषद आणि पंचायत समिती सार्वत्रिक निवडणूक २०२६ साठी मतदारांनी मोठा उत्साह दाखवला असून तालुक्यात एकूण ७३.४२ टक्के मतदान झाले आहे. निवडणूक निर्णय अधिकाऱ्यांनी जाहीर केलेल्या अधिकृत आकडेवारीनुसार, तालुक्यात एकूण १,०२,३६४ मतदार असून त्यापैकी ७५,१६० मतदारांनी आपल्या मतदानाचा हक्क बजावला आहे. यामध्ये ३९,४३१ पुरुष आणि ३५,७२९ महिला मतदारांचा समावेश आहे. तालुक्यात एकूण ५२,५२० पुरुष तर ४९,८४३ महिला मतदार नोंदणीकृत आहेत.
मोरेगाव गणातील मतदान केंद्र क्रमांक २५ वर सर्वाधिक ८५.४५ टक्के इतके मतदान झाले आहे. त्यापाठोपाठ वालूर येथील केंद्र क्रमांक ९ वर ८५.२३ टक्के आणि डासाळा येथील केंद्र क्रमांक २१ वर ८५.१२ टक्के मतदान नोंदवले गेले. चिकलठाणा बुद्रुक गटात ७६.७६ टक्के, बोरकिनी केंद्र क्रमांक २७ वर ८३.०१ टक्के, कुपटा केंद्र क्रमांक ३ वर ८२.७२ टक्के आणि रवळगावात केंद्र क्रमांक ७ वर ८३.९९ टक्के मतदान झाले आहे. सोन्ना गणात केंद्र क्रमांक २३ वर ८१.२६ टक्के तर देऊळगाव गातमध्ये केंद्र क्रमांक १ वर आणि तिडी पिंपळगाव गणात केंद्र क्रमांक केंद्र क्रमांक २२ वर अनुक्रमे ७९.५२ टक्के व ७७.४६ टक्के मतदान झाले, अशी माहिती निवडणूक निर्णय अधिकारी शोभादेवी जाधव आणि सहायक निवडणूक अधिकारी तथा तहसीलदार डॉ.शिवाजीराव मगर यांनी दिली. गटविकास अधिकारी उदय जाधव, नायब तहसीलदार विजय मोरे, जयश्री कोल्हे, हरिष टाक आदी उपस्थित होते. ९ फेब्रुवारी रोजी मतमोजणी आणि निकाल जाहीर होणार आहे.
- अंतिम आकडेवारी अशी :
- एकूण मतदार संख्या: १,०२,३६४
- एकूण मतदान झालेले मतदार: ७५,१६०
- एकूण मतदानाची टक्केवारी: ७३.४२%
- पुरुष मतदार: एकूण ५२,५२० पैकी ३९,४३१ पुरुषांनी मतदान केले
- स्त्री मतदार: एकूण ४९,८४३ पैकी ३५,७२९ स्त्रियांनी मतदान केले
