शहराध्यक्षपदी श्याम झाडगांवकर यांची निवड, अखिल भारतीय ग्राहक पंचायतची मानवत तालुका, शहर कार्यकारिणी जाहीर
मानवत : अखिल भारतीय ग्राहक पंचायतची मानवत तालुका आणि शहर कार्यकारिणी जाहीर करण्यात आली आहे. तालुका अध्यक्षपदी डॉ.सचिन चिद्रवार तर शहराध्यक्षपदी श्याम झाडगांवकर यांची मंगळवारी, १८ तारखेला बिनविरोध निवड करण्यात आली.
शहरातील संत सावतामाळी रोडवरील सचिन चिद्रवार यांच्या निवासस्थानी झालेल्या बैठकीत स्वामी विवेकानंद यांच्या प्रतिमेचे पूजन करण्यात आले. या कार्यक्रमाच्या अध्यक्षस्थानी संघटनेचे देवगिरी प्रांत अध्यक्ष विलास मोरे उपस्थित होते. जिल्हाध्यक्ष गुलाबराव शिंदे, उपाध्यक्ष भगवान करंजे आणि सोपानराव टोले यांच्या हस्ते नवनियुक्त पदाधिकाऱ्यांना नियुक्ती पत्राचे वाटप करण्यात आले.तालुका कार्यकारिणीमध्ये उपाध्यक्षपदी प्रकाश करपे, सचिवपदी विजयकुमार कहेकर, कोषाध्यक्षपदी संजय बांगड, लीगल सेल प्रमुखपदी मुकुंद पाटील, आयटीसीएल प्रमुखपदी गजानन आंबेकर, पर्यावरण आयाम प्रमुखपदी अनंत बंडे, रोजगार सृजन आयाम प्रमुखपदी राजाभाऊ डुकरे, प्रचार व प्रसिद्धी प्रमुखपदी सदानंद भरड आणि ग्राहक मार्गदर्शन सेवा प्रमुखपदी रामानंद मंत्री यांची निवड झाली आहे. सदस्य म्हणून मंचक जाधव (आंबेगाव), दीपक दुगाने (वझुर), नारायण होंडे (रुढी) आणि अनुरथ सुरनर (मंगरूळ) यांची निवड करण्यात आली आहे.शहर कार्यकारिणीमध्ये उपाध्यक्षपदी जयप्रकाश मिटकरी, सचिवपदी प्रसाद जोशी, कोषाध्यक्षपदी सूर्यकांत माळवदे, लीगल सेल प्रमुखपदी आकाश कडतन, आयटीसेल प्रमुखपदी विनोद केरे, पर्यावरण आयाम प्रमुखपदी किरण रुद्रकंठवार, रोजगार सृजन आयाम प्रमुखपदी गणेश गहुले, प्रचार व प्रसिद्धी प्रमुखपदी बापू महाजन आणि ग्राहक मार्गदर्शन सेवा प्रमुखपदी संजय महात्मे यांची नियुक्ती झाली आहे. सदस्य म्हणून अनंत विभुते आणि रमेश त्रिपाठी यांची निवड करण्यात आली.या बैठकीस पर्यावरण आयाम प्रमुख संभाजी शिराळे, शिवाजी दिवटे, सचिन रायपत्रीवार, रमाकांत जोशी आदींची उपस्थिती होती.विलास मोरे यांनी अध्यक्षीय समारोपात सांगितले की, अनुचित व्यापार पद्धतीच्या विरोधात आणि शोषणमुक्त समाजाच्या निर्मितीसाठी ग्राहक तीर्थ बिंदू माधव जोशी यांनी ५१ वर्षांपूर्वी अखिल भारतीय ग्राहक पंचायतची स्थापना केली होती. या चळवळीमुळेच देशात ग्राहक संरक्षण कायदा लागू झाला असून स्वतंत्र न्याय व्यवस्थेमुळे ग्राहकांचे प्रश्न मार्गी लागत आहेत.कार्यक्रमाचे सूत्रसंचालन विजयकुमार कहेकर यांनी केले, प्रास्ताविक भगवान करंजे यांनी मांडले तर आभार सचिन चिद्रवार यांनी मानले.
