डिग्रस येथील शिक्षकांचे राज्यस्तरावर यश; गावकऱ्यांकडून सत्कार

सेलू : जिल्हा परिषद प्राथमिक शाळा डिग्रस ज शाळेतील शेख मौजम अब्दुल यांची मराठी ऑलिम्पियाड स्पर्धेत विभाग स्तरावर निवड होऊन ते राज्य स्तर मराठी ऑलिम्पियाड या स्पर्धेसाठी पात्र ठरले आहेत. तसेच दुर्गा सदाशिव घोडके यांची सुद्धा नाट्य, नाटक आणि भूमिका अभिनय या स्पर्धेत छत्रपती संभाजीनगर विभाग स्तरावर निवड होऊन त्या राज्य स्तरासाठी पात्र ठरल्या आहेत.जिल्ह्यात एकाच शाळेचे दोन शिक्षक राज्य स्तरावर स्पर्धेसाठी पात्र ठरल्यामुळे सर्वत्र कौतुक होत आहे. त्या निमित्ताने गावकऱ्यांनी आज त्यांचा सत्कार केला व राज्य स्तरासाठी शुभेच्छा दिल्या.यावेळी शालेय व्यवस्थापन समिती अध्यक्ष कुंडलिकराव पौळ, उपाध्यक्ष बालाजी राव पौळ, उपसरपंच बाबासाहेब पौळ, शिक्षणप्रेमी तथा समाजसेवक गुलाबराव पौळ, अंशीराम पौळ, शेषेराव गुरव, रमेश धोपटे आणि रेखा बोराडे उपस्थित होते.