अखंड हरिनाम सप्ताहानिमित्त उपक्रम
सेलू : तालुक्यातील रायपूर येथे श्री रायरेश्वर मंदिर परिसरात २४ मार्चपासून अखंड हरिनाम सप्ताह, ज्ञानेश्वरी पारायण, गाथा भजन आणि श्रीमद् भागवत कथा सोहळा अत्यंत उत्साहात पार पडत आहे. यानिमित्ताने ३० मार्च रोजी आयोजित शिबिरात ७१ जणांनी रक्तदान केले.
नामदेव महाराज चरठाणकर यांच्या मार्गदर्शनाखाली आयोजित या सोहळ्यात भागवत कथा प्रवक्ते म्हणून संजय सुधाकरराव पिंपळगावकर यांची श्रीमद् भागवत कथा झाली. रात्री हरीकीर्तन असे भरगच्च धार्मिक कार्यक्रमांचे आयोजन करण्यात आले आहे. ३० मार्च रोजी भक्तीसोबत समाजसेवेचा संकल्प या हेतूने आयोजित रक्तदान शिबिरामध्ये ७१ तरुणांनी रक्तदान केले.यासाठी जिजाऊ ब्लड बँक परभणी यांची टिम आली होती. समस्त रायपूर ग्रामस्थ मंडळी व परिसरातील भाविक मोठ्या संख्येने उपस्थित होते.
