राजस्थानी महिला मंडळाची कावड यात्रा
परभणी : सेलू शहरातील राजस्थानी महिला मंडळाने श्रावण मासानिमित्त सेलू तालुक्यातील श्रीक्षेत्र हट्टा येथील श्री हट्टेश्वर महादेव मंदिरात सहस्त्र लक्ष बेलपत्र आणि मूग याची लाखोळी अर्पण केली. या प्रसंगी कावड यात्रा काढून महादेवाला जलाभिषेक करण्यात आला. ४० महिलांनी यामध्ये सहभाग नोंदवला.
महिला मंडळाच्या अध्यक्ष लता गिलडा, सचिव उज्वला भाला, कांचन बाहेती, शोभा धूत, शितल बिहानी, किरण राठी, पद्मा मंत्री, दीपा पडतानी, दया दायमा आणि सर्व सदस्यांनी या कार्यक्रमासाठी पुढाकार घेतला. तसेच, महिला मंडळाने आषाढी एकादशीनिमित्त दिंडी काढली होती आणि सर्व सदस्यांनी मिळून कांदा नवमी देखील साजरी केली.
फोटो : सेलू शहरातील राजस्थानी महिला मंडळाने श्रावण मासानिमित्त तालुक्यातील श्रीक्षेत्र हट्टा येथे कावड यात्रा काढून महादेवाला जलाभिषेक केला.
