परभणीतील पाच मंडळात अतिवृष्टी

जिंतूर, पूर्णा तालुक्यात जोरदार पाऊस

परभणी : परभणी जिल्ह्यातील शुक्रवारी, ८ ऑगस्टरोजी सरासरी २३.५ मिलीमिटर पाऊस झाला. जिंतूर, पूर्णा तालुक्यात जोरदार पाऊस झाला, तर जिल्ह्यातील पाच मंडळात अतिवृष्टी झाली. यामध्ये जिंतूर तालुक्यातील बामणी ७१.८, बोरी ६७.३, आडगाव १०१, पूर्णा तालुक्यातील ताडकळस आणि लिमला मंडळात प्रत्येकी ७८.८ मिलीमीटर पाऊस झाला आहे. गुरूवारी रात्री बहुतांशी भागात हलका ते मध्यम स्वरूपाचा पाऊस झाला. मात्र शुक्रवारी पहाटेपासून सर्वत्र पावसाचा कमी अधिक जोर दिसून आला. जिंतूर आणि पूर्णा तालुक्यात तो अधिक होता. शुक्रवारी सकाळपर्यंत तालुकानिहाय झालेला सरासरी पाऊस मिलिमीटरमध्ये : परभणी १८.५, गंगाखेड १४.७ पाथरी ७.७ जिंतूर ४९.८ पूर्णा ४२.१, पालम २१.५, सेलू १२.३, सोनपेठ १४.४ मानवत १२.६