छत्रपती संभाजीनगर येथे प्रतिसाद
छत्रपती संभाजीनगर : शहरातील मुकुंदवाडी परिसरात असलेल्या विठ्ठल रुक्मिणी मंदिरात श्रावण मास आणि पुत्रदा एकादशीनिमित्त कीर्तन सोहळ्याचे आयोजन करण्यात आले होते. या सोहळ्यात बाल कीर्तनकार शौर्य महाराज शिंदे यांची पहिली कीर्तन सेवा झाली.’कुळी कन्या पुत्र व्हावे सात्विक’ या अभंगावर त्यांनी निरूपण केले. त्यांच्या कीर्तनाला परिसरातील भाविकांनी मोठ्या संख्येने उपस्थिती लावली होती. ह.भ.प. योगेश महाराज नवपुते आणि ह.भ.प. महेश महाराज नवपुते यांच्या मार्गदर्शनाखाली शौर्य महाराज कीर्तन शिक्षण घेत आहेत.
