परभणी : अल्पवयीन मुलीवर अत्याचारप्रकरणी पोक्सो कायदासह अन्य गंभीर गुन्ह्यांसाठी अटक करण्यात आलेला सेलू येथील नूतन विद्यालयात कार्यरत आरोपी शिक्षक संतोष बबनराव मलसटवाड याच्यावर संस्थेने निलंबनाची कारवाई केली आहे. संस्थेचे अध्यक्ष डॉ.एस.एम.लोया यांनी बुधवारी, ८ ऑक्टोबर रोजी प्रसिद्धीपत्रकाद्वारे मलसटवाड याच्यावरील निलंबनाच्या कारवाईची माहिती दिली आहे. शिक्षक संतोष मलसटवाड याला गंभीर गुन्ह्यांसाठी सेलू पोलिसांनी अटक केली आहे. त्याच्यावर भारतीय न्याय संहिता कलमसह पोक्सो (POCSO) कायद्यांतर्गत गंभीर गुन्हा दाखल करण्यात आला आहे. याबाबत सेलू पोलिसाकडून माहिती प्राप्त झाल्यानंतर नूतन विद्यालयाच्या शालेय समितीची बैठक तातडीने आयोजित करण्यात आली. या बैठकीत संतोष मलसटवाड याने केलेल्या निंदनीय कृत्याचा तीव्र निषेध करण्यात आला आणि या घटनेची गंभीर नोंद घेत मलसटवाड याला निलंबित करण्याचा ठराव एकमताने संमत केला आहे, असे प्रसिद्धीपत्रकात नमूद आहे.
सेलूत देखाव्यांमधून प्रबोधन अन् थरार
रामबागचा पर्यावरण संदेश; आदर्श व्यापारी मंडळाचा भूत बंगला सेलू : सेलू शहरातील गणेशोत्सवात यंदा विविध मंडळांनी सामाजिक प्रबोधन आणि थरारक...
