सरदार पटेल यांचे विचार प्रेरणादायी : भागवत करपुडे
परभणी : लोहपुरुष सरदार वल्लभभाई पटेल यांनी स्वातंत्र्यनंतर देशातील ५६५ संस्थाने स्वतंत्र भारतात समाविष्ट करण्यासाठी महत्वाची भूमिका बजावली. त्यांचे कार्य आणि विचार आजही प्रेरणादायी आहेत, असे प्रतिपादन भागवत करपुडे यांनी केले.
येथील जिजाऊ ज्ञानतीर्थ शैक्षणिक संकुलात सुरू असलेल्या वरिष्ठ व निवड वेतन श्रेणी प्रशिक्षणात शुक्रवारी, ३१ ऑक्टोबर रोजी क्रांतीज्योती सावित्रीबाई फुले कुलातर्फे आयोजित परिपाठात ते बोलत होते. या वेळी सुलभक महादेव लोखंडे, किशन बनसोडे, दिगंबर गिरी, संदीप आदमाने, किरण राऊत, अभिजित कोरान्ने यांची प्रमुख उपस्थिती होती. यांची प्रमुख उपस्थिती होती.कार्यक्रमाची सुरुवात क्रांतीज्योती सावित्रीबाई फुले यांच्या प्रतिमा पूजनाने झाली. सरदार वल्लभभाई पटेल यांच्या १५० व्या जयंतीनिमित्त आणि एकता दिवस तसेच माजी पंतप्रधान इंदिरा गांधी यांच्या पुण्यतिथीनिमित्त अभिवादन करण्यात आले.
या वेळी सावित्रीबाई फुले यांच्या जीवनातील बोधपर कथा सादर करण्यात आली. भागवत करपुडे यांनी सरदार पटेल आणि इंदिरा गांधी यांच्या कार्यावर प्रकाश टाकला. परिपाठात यांनी सहभाग घेतला गटप्रमुख भागवत करपुडे, बालासाहेब पवार, शरद मुंडे, उषा बडे, शर्मिला शेळके, रावजी चिलके, नुरुल्ला खाँन यांनी परिपाठात सहभाग घेतला. राज्य शैक्षणिक संशोधन व प्रशिक्षण परिषदेचे संचालक डॉ.राहुल रेखावार, डायटचे प्राचार्य डॉ प्रल्हाद खुणे, प्रशिक्षण समन्वयक वरिष्ठ अधिव्याख्याता डॉ.गणेश शिंदे यांच्या मार्गदर्शनाखाली दररोज विविध कुलात दर्जेदार परिपाठ, गटचर्चा होत आहे. शिक्षकांच्या उत्साहपूर्ण सहभागाबद्दल कौतुक केले जात आहे.
