सरदार पटेल यांच्या १५० व्या जयंतीनिमित्त ‘रन फॉर युनिटी’चे आयोजन
बेलोरा ता.जिंतूर : भारताचे पहिले गृहमंत्री लोहपुरुष सरदार वल्लभभाई पटेल यांच्या १५० व्या जयंतीनिमित्त चारठाणा पोलिस ठाण्याच्या वतीने ३१ ऑक्टोबररोजी ‘रन फॉर युनिटी’ (एकता दौड) चे आयोजन सहायक पोलिस निरीक्षक सुनील अंधारे यांच्या नेतृत्वाखाली करण्यात आले होते. या कार्यक्रमाला नागरिकांनी उत्स्फूर्त प्रतिसाद दिला. एकता दौडची सुरुवात शशिकांत देशपांडे आणि नानासाहेब राऊत यांनी अंधारे यांच्यासह हिरवा झेंडा दाखवून केली. एकता दौडमध्ये सहभागी होऊन सर्वांनी कार्यक्रमाची शोभा वाढवली. सर्व पोलीस पाटील, गावकरी आणि शाळेतील मुलांनी उत्साहाने एकता दौडमध्ये भाग घेतला. सुनील अंधारे यांनी या कार्यक्रमाचे अतिशय सुंदर नियोजन केले होते. उपस्थितांमध्ये राष्ट्रीय एकात्मतेची भावना अधिक बळकट व्हावी, असा या कार्यक्रमाचा उद्दशे होता.
