सेलूतील प्रिन्स इंग्लिश स्कूलचा उपक्रम
सेलू : सेलू येथील प्रिन्स इंग्लिश स्कूलमध्ये दहावीच्या विद्यार्थ्यांसाठी मार्गदर्शन सत्रांचे (गेस्ट लेक्चर) आयोजन करण्यात आले. दरवर्षीप्रमाणे यावर्षीदेखील बोर्ड परीक्षेपूर्वी सर्व विषयांवर तज्ज्ञ मार्गदर्शन मिळावे या उद्देशाने हा ज्ञानवर्धक उपक्रम राबवण्यात आला आहे. २० नोव्हेंबर रोजी आयोजित पहिल्या सत्रात जीवशास्त्र विषयावर प्रा. अमित कुलकर्णी यांनी विद्यार्थ्यांना मार्गदर्शन करून महत्त्वपूर्ण शंका निरसन केले.या उपक्रमाची अंमलबजावणी श्रीराम प्रतिष्ठान संस्थेचे संस्थापक अध्यक्ष डॉ. संजय रोडगे यांच्या अभिनव संकल्पना व मार्गदर्शनातून करण्यात येत असून, शाळेचे प्रिन्सिपल कार्तिक रत्नाला व प्रगती क्षीरसागर कार्यक्रमास उपस्थित राहिले. विद्यार्थ्यांनी या सत्राला उत्स्फूर्त प्रतिसाद देत सक्रिय सहभाग नोंदवला.शाळेमार्फत येत्या काही दिवसांत गणित, भौतिकशास्त्र, रसायनशास्त्र, इतिहास, भूगोल, नागरिकशास्त्र अशा विविध विषयांची गेस्ट लेक्चर्स आयोजित होणार आहेत. या उपक्रमामुळे विद्यार्थ्यांना बोर्ड परीक्षेसह भविष्यातील स्पर्धा परीक्षांमध्येही महत्त्वपूर्ण मार्गदर्शन लाभत आहे.
