महापरिनिर्वाण दिनानिमित्त सेलू येथे कार्यक्रम
सेलू : भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त सेलू शहरात अभिवादन कार्यक्रम आयोजित करण्यात आला होता. या कार्यक्रमात राजकीय व सामाजिक क्षेत्रातील अनेक मान्यवरांनी उपस्थित राहून डॉ. बाबासाहेब आंबेडकर यांच्या कार्याला व स्मृतींना आदरांजली वाहिली.या अभिवादन प्रसंगी सेलूचे माजी नगराध्यक्ष विनोद बोराडे, भारतीय जनता पक्षाचे सेलू तालुकाध्यक्ष गणेश काटकर, शहराध्यक्ष अशोक शेलार, माजी नगराध्यक्ष मारोती चव्हाण हे प्रामुख्याने उपस्थित होते.यासोबतच, साईराज बोराडे, मिलिंद सावंत, सुबोध काकडे, अशोक पाईकराव, विकास धापसे, कृष्णा काटे, दीपक कोल्हाळ, पिंटू ठाकूर, हाजी अक्रम भाई, विशाल धापसे, दीपक बचिरे, दीपक चव्हाण, प्रवीण बाळू धापसे आणि अमित धापसे आदी मान्यवर देखील उपस्थित होते. सर्व उपस्थितांनी महामानवाला आदराने वंदन करून त्यांच्या विचारांचा व कार्याचा वारसा पुढे नेण्याचा संकल्प केला.
