राज्यपाल तथा विद्यापीठाचे कुलपती आचार्य देवव्रत, डॉ.मंगला राय यांची उपस्थिती
दीक्षांत समारंभात २९६८ स्नातकांना विविध पदवीने अनुग्रहीत करण्यात येणार
परभणी : वसंतराव नाईक मराठवाडा कृषि विद्यापीठाचा २७ वा दीक्षांत समारंभ दिनांक ११ डिसेंबर २०२५ रोजी आयोजित करण्यात आला असुन त्यानिमित्त विद्यापीठाचे माननीय कुलगुरू प्रा. (डॉ.) इन्द्र मणि यांच्या अध्यक्षतेखाली दिनांक ८ डिसेंबर २०२५ रोजी पत्रकार परिषदेचे आयोजन करण्यात आले. यावेळी माननीय कुलगुरू प्रा. (डॉ.) इन्द्र मणि यांनी नमूद केले की, विद्यापीठाचा २७ वा दीक्षांत समारंभ विद्यापीठाच्या विद्यार्थी कल्याण कार्यालय परिसरातील सुवर्ण जयंती दीक्षांत सभागृहात सकाळी ११.०० वाजता आयोजित करण्यात आला असुन दीक्षांत समारंभाचे अध्यक्षस्थान महाराष्ट्र आणि गुजरात राज्यांचे माननीय राज्यपाल तथा विद्यापीठाचे माननीय कुलपती श्री आचार्य देवव्रत हे भूषविणार आहेत.
माननीय कृषि मंत्री तथा विद्यापीठाचे प्रतिकुलपती मा. ना. श्री. दत्तात्रय भरणे हे दीक्षांत समारंभास प्रमुख अतिथी म्हणून उपस्थित राहतील. दीक्षांत समारंभास भारतीय कृषि संशोधन परिषदेचे (ICAR) माजी महासंचालक तथा कृषि संशोधन आणि शिक्षण विभागाचे (DARE) माजी सचिव माननीय डॉ. मंगला राय हे प्रमुख अतिथी म्हणुन उपस्थित राहुन दीक्षांत अभिभाषण करणार आहेत.
महाराष्ट्र राज्याचे सार्वजनिक आरोग्य आणि कुटुंब कल्याण, पाणी पुरवठा आणि स्वच्छता, ऊर्जा, महिला आणि बालविकास, सार्वजनिक बांधकाम (सार्वजनिक उपक्रम) राज्यमंत्री तथा पालकमंत्री (परभणी जिल्हा) मा. ना. श्रीमती मेघनाताई बोर्डीकर तसेच वित्त, नियोजन, कृषि, मदत व पुनर्वसन, विधी व न्याय, कामगार राज्यमंत्री मा. ना. ॲड. श्री. आशिष जयस्वाल, पंदेकृविचे माननीय कुलगुरू डॉ शरद गडाख, मफुकृविचे माननीय कुलगुरू डॉ. विलास खर्चे, बासाकोकृविचे माननीय कुलगुरू डॉ संजय भावे, माफ्सूचे कुलगुरू माननीय डॉ नितीन पाटील, यांच्यासह वनामकृविचे माजी कुलगुरू, विद्यापीठ कार्यकारी परिषदेचे सर्व सन्माननीय सदस्य यांची प्रमुख उपस्थिती लाभणार आहे. समारंभात माननीय कुलगुरू प्रा. (डॉ.) इन्द्र मणि हे स्वागतपर भाषण करतील.
यावेळी राज्यसभा सदस्य मा. खा. श्रीमती फौजिया खान, लोकसभा सदस्य मा. खा. श्री. संजय जाधव, विधान परिषद सदस्य व कार्यकारी परिषद सदस्य मा. आ. श्री. सतीश चव्हाण, विधान परिषद सदस्य मा. आ. श्री. विक्रम काळे, विधानसभा सदस्य व कार्यकारी परिषद सदस्य मा. आ. डॉ. राहुल पाटील, विधानसभा सदस्य मा. आ. श्री रत्नाकर गुट्टे, विधानसभा सदस्य मा. आ. श्री राजेश विटेकर, विधानसभा सदस्य व कार्यकारी परिषद सदस्य मा. आ. श्री. बालाजी कल्याणकर, विधान परिषद सदस्य व कार्यकारी परिषद सदस्य मा. आ. श्रीमती श्रीजया चव्हाण, कृषि परीषदेचे उपाध्याक्ष मा. श्री. तुषार पवार, विद्यापीठ कार्यकारी परिषदेचे सदस्य मा. डॉ. व्ही. एम. मायंदे, महाराष्ट्र शासनाच्या कृषि विभागाचे अतिरिक्त मुख्य सचिव श्री विकासचंद्र रस्तोगी, कृषि परिषदेच्या महासंचालक माननीय श्रीमती वर्षा लड्डा-उंटवाल (भाप्रसे), कृषि परिषदेचे सदस्य श्री जनार्धन कातकडे आदी मान्यवरांची उपस्थिती राहणार आहे.
दीक्षांत समारंभात सन २०२४- २५ या शैक्षणिक वर्षातील विविध विद्याशाखेतील विविध पदवी, पदव्युत्तर पदवी व आचार्य पदवी पूर्ण करणाऱ्या एकुण २९६८ स्नातकांना पदवी अनुग्रहीत करण्यात येणार आहे. यात आचार्य पदवीचे ४४ पात्र स्नातक, पदव्युत्तर पदवीचे ३३३ स्नातक व पदवी अभ्यासक्रमाचे २५९१ स्नातकांचा समावेश आहे. याबरोबरच शेती उद्योगामध्ये उल्लेखनीय कार्य असलेल्या मराठवाड्यातील आठही जिल्ह्यातील शेतकऱ्यांचा ‘फार्मर फेलो’ पुरस्काराने सन्मान करण्यात येणार. यामध्ये महिला शेतकऱ्यांचा देखील समावेश असणार आहे.
दीक्षांत समारंभात सन २०२४ – २५ या शैक्षणिक वर्षातील विद्यापीठातील विविध अभ्यासक्रमासाठी विद्यापीठाने व दात्यांनी निश्चित केलेल्यां सूवर्ण पदके, रौप्य पदके व रोख पारितोषिके पात्र स्नातकांना प्रदान करून मान्यवरांच्या शुभहस्ते गौरविण्यात येणार आहे. एकूण ६३ पदके आणि प्रमाणपत्रे वितरण करण्यात येणार आहेत. यामध्ये १४ विद्यापीठ सुवर्ण पदके, दात्यांकडून देण्यात येणारे ११ सुवर्ण पदके, १ रौप्य पदक आणि १२ रोख पारितोषिकांचे वितरण करण्यात येणार असुन २५ पदव्युत्तर पदवी गुणवत्ता प्रमाणपत्रांचा समावेश आहे, अशी माहिती माननीय कुलगुरू प्रा. (डॉ.) इन्द्र मणि यांनी दिली.
पदवी अनुग्रहीत करण्यात येणाऱ्या स्नातकांची यादी विद्यापीठाच्या संकेतस्थळावर उपलब्ध करण्यात आली आहे. ज्या पदवीधरांची नावे विद्यापीठ संकेतस्थळावर प्रसिध्द करण्यात आलेल्या अधिसुचनेत सुचिबध्द असतील त्यांनाच दीक्षांत दिंडीत सहभागी होण्याची परवानगी दिली जाईल. दीक्षांत समारंभाच्या यादीत नाव असणाऱ्या स्नातकांनीच कार्यक्रमास उपस्थित राहावे. या दीक्षांत समारंभाकारिता पात्र असणाऱ्या विद्यार्थ्यांव्यतिरिक्त विद्यापीठातील इतर विद्यार्थी, अधिकारी व कर्मचारी तसेच इतर मान्यवरांनी इतर मान्यवरांना हा समारंभ विद्यापीठाच्या युटूब https://www.youtube.com/@vnmkv यावर पहाता येईल.
दीक्षांत समारंभास उपस्थित असलेल्या स्नातकांना समारंभात पदवी प्रमाणपत्रे देण्यात येतील व उर्वरीत स्नातकांना त्या दिवशी त्यांच्या संबंधीत महाविद्यालयात व विभागात पदवी प्रमाणपत्रे उपलब्ध करुन देण्यात येतील.
दीक्षांत समारंभ वेळेवर सुरू होणार असल्यामुळे सर्व संबंधित स्नातकांनी वेळेच्या एक तास अगोदर विद्वत दिंडीत सहभागी होण्यासाठी कार्यक्रम स्थळी यावे. विद्यार्थ्यांनी व अधिकारी, कर्मचारी, प्राध्यापक वृंद यांनी पांढरा कुर्ता-पायजमा व विद्यार्थिनींनी तसेच महिला अधिकारी, कर्मचारी यांनी क्रीम कलरची साडी व ब्लाउज परिधान करावेत. हा सकारात्मक बदल यापूर्वी राष्टीय पातळीवर अनेक विद्यापीठाने लागू केला असून या विद्यापीठाने देखील यावर्षी स्वीकारला आहे. विद्यार्थी वस्त्रे दीक्षांत समारंभाच्या एक दिवस अगोदर किंवा समारंभाच्या दिवशी सकाळी नऊच्या आत संबंधितांकडून प्राप्त करावीत.
पत्रकार परिषदेत संचालक शिक्षण डॉ. भगवान आसेवार, संचालक विस्तार शिक्षण डॉ. राकेश अहिरे, नियंत्रक श्री अनंत कदम, उपकुलसचिव डॉ. गजानन भालेराव, मुख्य विस्तार शिक्षण अधिकारी डॉ. प्रशांत देशमुख, सहाय्यक कुलसचिव श्री. सुरेश हिवराळे यांची उपस्थिती होती. कार्यक्रमाचे सूत्रसंचालन जनसंपर्क अधिकारी डॉ शंकर गणपत पुरी यांनी केले. या पत्रकार परिषदेत विविध माध्यमांचे प्रतिनिधी मोठ्या संख्येने उपस्थित होते.
