सेलूत ‘चला जगूया ऐसें जीवन’ विषयावर होणार चिंतन
सेलू : श्री केशवराज बाबासाहेब शिक्षण प्रसारक मंडळ संचलित श्री केशवराज बाबासाहेब विद्यालय, सेलू यांच्या वतीने आयोजित ‘केशवराज व्याख्यानमाला’ या उपक्रमाचे दुसरे पुष्प गुरुवारी, १८ डिसेंबर २०२५ रोजी आयोजित करण्यात आले आहे. सायंकाळी ५ वाजता समतानगर येथील श्री केशवराज बाबासाहेब विद्यालयाच्या स्व.ॲड.वसंतराव खारकर सभागृहात पार पडणार आहे.या व्याख्यानमालेसाठी प्रमुख व्याख्यात्या म्हणून साहित्य अकादमी पुरस्कार प्राप्त ज्येष्ठ लेखिका, कवयित्री तथा मुख्यमंत्री सचिवालय मंत्रालयातील प्रशासकीय अधिकारी डॉ.मंजूषा कुलकर्णी उपस्थित राहणार आहेत. त्या ‘चला जगूया ऐसें जीवन’ या विषयावर आपले विचार मांडणार आहेत. कार्यक्रमाच्या अध्यक्षस्थानी संस्थेचे अध्यक्ष ॲड.अनिरुद्ध जोशी हे राहणार असून संस्थेचे सचिव महेश खारकर यांची प्रमुख उपस्थिती लाभणार आहे. उपस्थित राहावे, असे आवाहन मुख्याध्यापक, सर्व शिक्षक व शिक्षकेतर कर्मचारी यांनी केले आहे.
