खान अब्दुल गफ्फार खान हायस्कूलमध्ये आयोजन, विद्यार्थ्यांच्या कल्पकतेतून साकारली आधुनिक विज्ञानाची विविध मॉडेल्स
सेलू : येथील खान अब्दुल गफ्फार खान हायस्कूलमध्ये विद्यार्थ्यांमध्ये वैज्ञानिक दृष्टिकोन रुजवण्यासाठी आणि आधुनिक तंत्रज्ञानाची ओळख करून देण्यासाठी भव्य विज्ञान प्रदर्शनाचे आयोजन करण्यात आले होते. या प्रदर्शनामध्ये इयत्ता ८ वी आणि ९ वीच्या विद्यार्थ्यांनी उत्स्फूर्तपणे सहभाग नोंदवून आपली कल्पकता सिद्ध केली.या प्रदर्शनाचे उद्घाटन अलफलाह एज्युकेशन वेलफेअर सोसायटीचे सदस्य जकी अहेमद सिद्दिकी यांच्या हस्ते करण्यात आले. यावेळी प्रमुख पाहुणे म्हणून शैलजा शाळेचे मुख्याध्यापक इरफान सर, यासेर शाळेचे शिक्षक खिझर सर, डॉक्टर झाकीर हुसेन हायस्कूलचे मुख्याध्यापक समीर हाश्मी आणि उस्मान गणी पतसंस्थेचे व्यवस्थापक बिलाल हरमैन उपस्थित होते.विद्यार्थ्यांनी अतिशय मेहनतीने सौर ऊर्जेपासून वीज निर्मिती, हवेपासून वीज तयार करणे, रेन वॉटर हार्वेस्टिंग, सूर्यग्रहण व चंद्रग्रहण स्थिती, वायू प्रदूषण नियंत्रण आणि कचऱ्यापासून खत निर्मिती यांसारखे नाविन्यपूर्ण प्रकल्प सादर केले. तसेच मानवी हृदयाची कार्यप्रणाली आणि आधुनिक शेती पद्धतीचे मॉडेल्स उपस्थितांचे लक्ष वेधून घेत होते. बदलत्या काळाच्या गरजा लक्षात घेऊन विद्यार्थ्यांनी सादर केलेल्या या उपकरणांचे पाहुण्यांनी कौतुक केले.मुख्याध्यापक मोहम्मद तौखिर यांच्या मार्गदर्शनाखाली हे प्रदर्शन यशस्वीरित्या पार पडले. आयोजनात शिक्षक अब्दुल हमिद अन्सारी, अन्सारी मोहसीन, लतीफ, सैफ आणि नूरसाहब यांनी महत्त्वाची भूमिका बजावली. हे प्रदर्शन पालक आणि आणि विद्यार्थ्यांनी मोठी गर्दी केली होती.
