वाढीव निवडणूक कर्मचाऱ्यांचे तीन दिवस प्रशिक्षण

१३० बुध करीता ईव्हीएम सिलिंग प्रक्रीया पूर्ण : शोभादेवी जाधव

सेलू : तालुक्यातील ५ गट व १० गणांसाठी ७ फेब्रुवारी रोजी होणाऱ्या जिल्हा परिषद व पंचायत समितीच्या सार्वत्रिक निवडणुकीत मतदानासाठी निश्चित केलेल्या १३० बुथसाठी आवश्यक असलेल्या ईव्हीएम यंत्राची सिलिंग प्रक्रिया शनिवार ३१ जानेवारी रोजी पूर्ण झाली. १२६ वाढीव कर्मचाऱ्यांचे पहिले प्रशिक्षण सोमवार २ फेब्रुवारी व दुसरे प्रशिक्षण बुधवार ४ फेब्रुवारी रोजी सकाळी १० वाजता तहसील कार्यालय सेलू येथे होणार असल्याची माहिती निवडणूक निर्णय अधिकारी शोभादेवी जाधव यांनी दिली.

७ फेब्रुवारी रोजी होणाऱ्या जिल्हा परिषद व पंचायत समितीच्या सार्वत्रिक निवडणुकीच्या दिवशीच राष्ट्रीय शिक्षक पात्रता परीक्षा असल्या कारणाने निवडणुकीसाठी नियुक्त करण्यात आलेल्या परीक्षार्थी शिक्षकांना टीईटी परीक्षा देण्यासाठी निवडणूक कार्यातून सुट देण्यासाठी अर्ज केले आहेत. त्या अनुषंगाने एकूण १२६ कर्मचाऱ्यांच्या निवडणूक कर्तव्यावर नव्याने नियुक्त्या करण्यात आल्या आहेत.प्रशिक्षणासाठी गैरहजर राहणाऱ्या कर्मचाऱ्यांवर कारवाई केली जाणार आहे.ईव्हीएम सिलिंगसाठी सहाय्यक निवडणूक निर्णय अधिकारी डॉ. शिवाजी मगर, नायब तहसीलदार विजय मोरे, जयश्री कोल्हे, महसूल अधिकारी हरिश टाक, रवी बंदुके, अशोक राऊत, प्रताप शेरे, शेख नूर, विजय सोंजे, मास्टर ट्रेनर टीम प्रमुख सुनील राठोड, प्रा. महेश कुलकर्णी, गजानन साळवे, विकास मुपडे, प्रा. प्रशांत देशपांडे, प्रा. मोहन पाटील, प्रा. अजय उंडेगावकर, प्रा. अविनाश सुत्रावे, प्रा. गणेश माळवे, प्रा. घुलेश्वर, धर्मकुमार वानरे, एकनाथ जाधव, सुभाष मोहकरे, राजेंद्र होलसुरे, राजू द्यावरवार, प्रमोद रोडगे, किशोर ढोके, विलास कदम, नितीन खाकरे, राजेश राठोड, विष्णू काळे, प्रताप पवार, अनिल कदम, संजय भूमकर, पद्माकर गोंडगे, महादेव चोकनफळे, सूर्यकांत गणाचार्य, बाबासाहेब पंडीत, महाजन आदींनी परिश्रम घेतले.