नूतन संस्थेच्या कार्याचा केला गौरव
सेलू : राजस्थानचे राज्यपाल हरिभाऊ बागडे यांचे प्रधान सचिव राजकुमार सागर यांनी २ फेब्रुवारी रोजी सेलू येथील नूतन विद्यालयास स्नेहभेट दिली. यावेळी त्यांनी विद्यालयाच्या आणि संस्थेच्या कार्याबद्दल गौरवद्गार काढले.
याप्रसंगी राजकुमार सागर, त्यांच्या पत्नी वंदाराणी सागर आणि नगराध्यक्ष मिलिंद सावंत यांचा शाल, श्रीफळ व पुस्तक देऊन सत्कार करण्यात आला. महाराष्ट्र राज्यातील या नामवंत शाळेत गौरव होणे, हे मी माझे भाग्य समजतो; या शाळेने अनेक अधिकारी घडवले आहेत, असे प्रतिपादन राजकुमार सागर यांनी सत्काराला उत्तर देताना केले.
संस्थेचे सचिव डॉ. विनायकराव कोठेकर, सहसचिव जयप्रकाश बिहाणी, प्रशासकीय अधिकारी डॉ. शरद कुलकर्णी, नंदकिशोर बाहेती, बाळू काबरा, मुख्याध्यापक संतोष पाटील, शंकर बोधनापोड उपस्थित होते. तसेच सहल विभागप्रमुख अनंतकुमार विश्वंभर, गणेश माळवे, भगवान देवकते, सुशीलकुमार कुलकर्णी, सुनीता सांगुळे, शुभांगी आष्टीकर, अश्विनी पटाईत, पुर्णिमा जोहेरे, प्रसाद कांयदे, गोपाळ आम्ले, मुकुंद डमरे आदींची उपस्थिती होती.
