जिल्हा परिषद व पंचायत समिती निवडणूक २०२६
जिंतूर : जिल्हा परिषद व पंचायत समिती सार्वत्रिक निवडणूक २०२६ साठी सुधारित निवडणूक कार्यक्रम जाहीर करण्यात आला आहे. या निवडणुकीसाठी निवडणूक कर्तव्यावर नियुक्त असलेल्या आणि टपाली मतपत्रिकेसाठी अर्ज केलेल्या अधिकारी व कर्मचाऱ्यांसाठी टपाली मतदानाची सुविधा उपलब्ध करून देण्यात आली आहे.
ही टपाली मतदान प्रक्रिया ३ फेब्रुवारी २०२६ ते ६ फेब्रुवारी २०२६ या कालावधीत सकाळी १०.०० ते सायंकाळी ५.०० वाजेपर्यंत गुरु नथुराम महाराज केहाळकर शासकीय औद्योगिक प्रशिक्षण संस्था, जिंतूर येथे राबविण्यात येणार आहे. निवडणूक कर्तव्यावर नियुक्त असून टपाली मतपत्रिकेची मागणी केलेल्या सर्व अधिकारी व कर्मचाऱ्यांनी ठरवून दिलेल्या वेळेत व ठिकाणी उपस्थित राहून मतदान करावे, असे आवाहन निवडणूक निर्णय अधिकारी शैलेश लाहोटी व सहाय्यक निवडणूक निर्णय अधिकारी शीतल कच्छवे यांनी केले आहे.
