सेलूत विविध कार्यक्रमांचे आयोजन; बाळू महाराज गिरगावकर यांच्या कीर्तनाने होणार सांगता
सेलू : येथील स्वामी विवेकानंद नगर आणि श्री संत गजानन महाराज मंदिर कार्यकारी मंडळाच्या वतीने प्रतिवर्षीप्रमाणे याही वर्षी श्री संत गजानन महाराज प्रकट दिन महोत्सवाचे उत्साहात आयोजन करण्यात आले आहे.
या महोत्सवाचा प्रारंभ माघ कृष्ण ५ शके १९४७, शुक्रवार, ६ फेब्रुवारी २०२६ रोजी होणार आहे. महोत्सवाची सांगता माघ कृष्ण ७ शके १९४७, रविवार, ८ फेब्रुवारी २०२६ रोजी होईल.या महोत्सवाच्या निमित्ताने रविवार ८ फेब्रुवारी २०२६ रोजी सकाळी ११ ते १.३० या वेळेत श्री ह.भ.प. भागवताचार्य श्री बाळू महाराज गिरगावकर यांचे काल्याचे कीर्तन संपन्न होणार आहे. कीर्तनानंतर दुपारी २ ते ४ या वेळेत महाप्रसादाचे आयोजन करण्यात आले आहे.
हा सोहळा स्वामी विवेकानंद नगर, सेलू येथे पार पडणार असून सर्व भाविक भक्तांनी कीर्तन श्रवणाचा आणि महाप्रसादाचा लाभ घ्यावा, असे आवाहन स्वामी विवेकानंद नगरमधील सर्व रहिवासी आणि श्री संत गजानन महाराज मंदिर कार्यकारी मंडळाच्या वतीने करण्यात आले आहे.
