भागवताचार्य अरुण महाराज बावणे यांच्या अमृततुल्य वाणीतून कथा, नामवंत कीर्तनकारांची उपस्थिती
सेलू : सेलू तालुक्यातील डासाळा येथे बालासाहेब आणि रामप्रसाद विठ्ठलराव गजमल यांच्या वतीने श्रीमद भागवतकथा ज्ञानयज्ञ सोहळ्याचे भव्य आयोजन करण्यात आले आहे. चारधाम यात्रा सफल झाल्यानिमित्त आयोजित करण्यात आलेल्या या आध्यात्मिक सोहळ्यात भागवताचार्य ह.भ.प. श्री अरुण महाराज बावणे बोरकिनीकर हे आपली रसाळ वाणीतून भागवत कथेचे निरूपण करणार आहेत.
हा सोहळा ८ ते १४ फेब्रुवारी २०२६ या कालावधीत संपन्न होणार असून कथेची वेळ दररोज सकाळी ११ ते ४ अशी निश्चित करण्यात आली आहे.या सोहळ्यामध्ये दररोज रात्री ९ ते ११ या वेळेत विविध नामवंत कीर्तनकारांची कीर्तने आयोजित करण्यात आली आहेत. यामध्ये ह.भ.प. गुलाब महाराज नोंद्रेकर, ह.भ.प. शिवाजी महाराज थोरात, ह.भ.प. हरिभाऊ महाराज रेणाखळीकर, ह.भ.प. प्रभुदेव महाराज वाटूरकर, ह.भ.प. पंडित महाराज कुरे हादगावकर आणि ह.भ.प. कैलास महाराज गवळी गोंदीकर या कीर्तनकारांच्या प्रबोधनाचा लाभ भाविकांना घेता येईल.
सोहळ्याची सांगता शनिवार, १४ फेब्रुवारी रोजी सकाळी ११ ते १ या वेळेत ह.भ.प. नारायण महाराज वडगांवकर यांच्या काल्याच्या कीर्तनाने होणार आहे. त्यानंतर महाप्रसादाचे आयोजन करण्यात आले आहे. बालासाहेब विठ्ठलराव गजमल, रामप्रसाद विठ्ठलराव गजमल, सुंदर गजमल, संजय गजमल, रणजीत गजमल, रोहित गजमल, समस्त गावकरी मंडळी आणि गजमल परिवाराने या धार्मिक कार्यक्रमाचे नियोजन केले असून जास्तीत जास्त भाविक भक्तांनी कीर्तन श्रवण व महाप्रसादाचा लाभ घ्यावा, असे आवाहन करण्यात आले आहे.
