फिनकिड्स प्रॉस्परस पब्लिक स्कूलमध्ये शिवजयंती उत्साहात
सेलू : श्रीराम प्रतिष्ठान संचलित फिनकिड्स प्रॉस्परस पब्लिक स्कूल येथे छत्रपती शिवाजी महाराज यांची जयंती मोठ्या उत्साहात साजरी करण्यात आली. या निमित्ताने आयोजित विविध उपक्रमांनी शालेय परिसर शिवमय झाला होता.
या कार्यक्रमाला श्रीराम प्रतिष्ठानचे संस्थापक डॉ.संजय रोडगे, मुख्याध्यापिका प्रगती क्षीरसागर आणि सर्व शिक्षक वृंद उपस्थित होते. शिवजयंतीनिमित्त विद्यार्थ्यांनी मराठमोळा पारंपरिक पोशाख परिधान करून सहभाग नोंदवला. विद्यार्थ्यांनी छत्रपती शिवाजी महाराज यांच्या जीवनावर आधारित प्रेरणादायी भाषणे केली. शाळेमध्ये विविध स्पर्धा आणि उपक्रमांचे आयोजन करून महाराजांच्या पराक्रमाला उजाळा देण्यात आला.छत्रपती शिवाजी महाराज एक राजा नसून ते खऱ्या अर्थाने रयतेचे राजे होते. त्यांनी गुलामगिरी झुगारून देत स्वाभिमानाचे स्वराज्य स्थापन केले. महाराजांचे शूर, पराक्रमी आणि दयाळू व्यक्तिमत्व आजही सर्वांसाठी प्रेरणादायी असल्याचे मत यावेळी मान्यवरांनी व्यक्त केले.
