विज्ञान दिनानिमित्त राज्यस्तरीय प्रश्नमंजुषा स्पर्धा, सेलूतील प्रिन्स स्कूलचे आयोजन
विद्यार्थ्यांनी संशोधनवृत्ती जोपासावी : डॉ.संजय रोडगे
सेलू : सेलू येथील क्युरिऑसिटी सायन्स अँड इनोव्हेशन ॲक्टिव्हिटी सेंटर आणि एल.के.आर.रोडगे प्रिन्स इंग्लिश स्कूल यांच्या संयुक्त विद्यमाने राष्ट्रीय विज्ञान दिनानिमित्त विज्ञान सप्ताह मोठ्या उत्साहात साजरा करण्यात आला. यानिमित्ताने आयोजित राज्यस्तरीय क्विझ स्पर्धेत २५ शाळांमधील १०० हून अधिक विद्यार्थ्यांनी सहभाग घेतला. यात बालविद्यामंदिर परभणीच्या होमी भाभा टीमने प्रथम, नूतन विद्यालय सेलूच्या ए. पी. जे. अब्दुल कलाम टीमने द्वितीय, तर गांधी विद्यालय परभणीच्या अल्बर्ट आइन्स्टाईन टीमने तृतीय क्रमांक पटकावला.
कार्यक्रमाची सुरुवात मान्यवरांच्या हस्ते सर सी. व्ही. रमन यांच्या प्रतिमा पूजनाने झाली. अध्यक्षस्थानी श्रीराम प्रतिष्ठानचे अध्यक्ष डॉ. संजय रोडगे उपस्थित होते. त्यांनी आपल्या भाषणात विज्ञान हे केवळ पुस्तकापुरते मर्यादित नसून ते जीवनातील प्रत्येक क्षेत्राशी निगडित असल्याचे सांगत विद्यार्थ्यांना संशोधनवृत्ती जोपासण्याचे आवाहन केले.उद्घाटक ज्येष्ठ विज्ञान संचारक व्ही. बी. रायगावंकर यांनी विज्ञानातील जिज्ञासेचे महत्त्व सांगत प्रत्यक्ष प्रयोगांच्या माध्यमातून विज्ञान समजावून घेण्याची गरज व्यक्त केली. प्रमुख पाहुण्या श्रेया गाथ यांनी डेटा सायन्स क्षेत्रातील अनुभव सांगत करिअरसाठी गणित व विज्ञानातील पाया भक्कम करण्याचे मार्गदर्शन केले. प्रास्ताविक विठ्ठल सरकटे यांनी केले. यावेळी मंचावर डॉ. सविता रोडगे, डॉ. आदित्य रोडगे, प्रशासकीय अधिकारी प्रा. महादेव साबळे, मुख्याध्यापक कार्तिक रत्नाला, प्रगती क्षीरसागर, हरिभाऊ कांबळे, कैलास ताठे, शालिनी शेळके, अशोक बोडके आणि मीनाक्षी रत्नपारखी यांची उपस्थिती होती.राज्यस्तरीय क्विझ स्पर्धेत २५ शाळांमधील १०० हून अधिक विद्यार्थ्यांनी सहभाग घेतला. यात बालविद्यामंदिर परभणीच्या होमी भाभा टीमने प्रथम, नूतन विद्यालय सेलूच्या ए. पी. जे. अब्दुल कलाम टीमने द्वितीय, तर गांधी विद्यालय परभणीच्या अल्बर्ट आइन्स्टाईन टीमने तृतीय क्रमांक पटकावला. तसेच के. बी. स्कूल सेलूच्या कल्पना चावला टीमला आणि ज्ञानतीर्थ विद्यालयाच्या सत्येंद्रनाथ बोस टीमला उत्तेजनार्थ पारितोषिक मिळाले. प्रश्नमंजुषा स्पर्धेचे सूत्रसंचालन प्रगती क्षीरसागर यांनी केले. सप्ताहात रोबोटिक कार्यशाळा, ३डी विज्ञान शो आणि विज्ञानावर आधारित नाटिकेशी सादरीकरण करण्यात आले. कार्यक्रमाचे सूत्रसंचालन संदीप आकत, दिगंबर टाके आणि संजय ठाकर यांनी केले.
राज्यस्तरीय विज्ञान प्रश्नमंजुषा स्पर्धा : विजेते संघ * प्रथम क्रमांक : होमी भाभा टीम, बालविद्यामंदिर, परभणी (३०००/- रुपये रोख, ट्रॉफी व प्रमाणपत्र) * द्वितीय क्रमांक : ए. पी. जे. अब्दुल कलाम टीम, नूतन विद्यालय, सेलू (२०००/- रुपये रोख, ट्रॉफी व प्रमाणपत्र) * तृतीय क्रमांक : अल्बर्ट आइन्स्टाईन टीम, गांधी विद्यालय, परभणी (१०००/- रुपये रोख, ट्रॉफी व प्रमाणपत्र) * उत्तेजनार्थ पारितोषिक १ : कल्पना चावला टीम, के. बी. स्कूल, सेलू (५००/- रुपये रोख, ट्रॉफी व प्रमाणपत्र) * उत्तेजनार्थ पारितोषिक २ : सत्येंद्रनाथ बोस टीम, ज्ञानतीर्थ विद्यालय (५००/- रुपये रोख, ट्रॉफी व प्रमाणपत्र)
