प्रयोगांच्या सादरीकरणातून विद्यार्थ्यांनी दिला विज्ञानाचा संदेश
परभणी : येथील महात्मा फुले विद्यालय गणेश नगर शाखेत २८ फेब्रुवारी रोजी राष्ट्रीय विज्ञान दिन उत्साहात साजरा करण्यात आला. भारतीय शास्त्रज्ञ डॉ. सी. व्ही. रमण यांच्या ‘रामन इफेक्ट’ या क्रांतिकारी शोधाच्या स्मृतीनिमित्त त्यांच्या प्रतिमेला पुष्पहार अर्पण करून अभिवादन करण्यात आले.
या प्रसंगी विद्यार्थ्यांनी विविध वैज्ञानिक प्रयोगांचे यशस्वी सादरीकरण केले. या बालवैज्ञानिकांचे कौतुक पर्यवेक्षक रमेशराव नाईकवाडे आणि सर्व शिक्षकांनी बक्षीस देऊन केले.कार्यक्रमासाठी लखन सिंह जाधव, शिवाजीराव वीरसे, प्रदीप चव्हाण, डी. जी. रणगीरे, सुभाष यवतकर, बी. पी. खंदारे, आर. डी. गहाळ, अमोल क्षीरसागर, मंचक जुकटे, बी. जी. तोंडचिरे, सुजित राठोड, पांडुरंग जगताप, योगेश जोशी, वर्षा पारवे, समृद्धी मस्के आणि मंगलबाई यांनी मोलाचे योगदान दिले. विद्यार्थ्यांना विज्ञान प्रयोगांसाठी सुरेश तांबोळी, एन. के. चापके आणि श्रीकांत नाईकवाडे यांनी मार्गदर्शन करत विज्ञानाचे महत्त्व समजावून सांगितले. विद्यार्थ्यांनी समाजात वैज्ञानिक दृष्टिकोन रुजविण्याचा संकल्प करत ‘जय जवान, जय किसान, जय विज्ञान’ अशा घोषणांनी परिसर दणाणून सोडला.
