श्रीगुरु चैतन्य महाराज देगलूरकर गुंफणार निरूपणाचे ७ वे पुष्प
सेलू : सेलू येथील वसंत प्रतिष्ठान आणि खारकर परिवाराच्या वतीने गुरुवार २ एप्रिल ते शनिवार ४ एप्रिल दरम्यान श्रीगुरू चैतन्य महाराज देगलूरकर यांच्या ‘पसायदान’ प्रवचनमालेचे आयोजन करण्यात आले आहे. सेलू येथील साईबाबा मंदिरात दररोज सायंकाळी ६ ते ८ या वेळेत यावर्षी “किंबहुना सर्व सुखी, पूर्ण होवोनि तिन्ही लोकी, भजिजो आदीपुरुखी, अखंडित” या ओवीवर ते तीन दिवस मार्गदर्शन करणार आहेत. प्रवचनमालेचे हे ७ वे वर्ष आहे. भाविकांनी लाभ घ्यावा, असे आवाहन श्री केशवराज बाबासाहेब शिक्षण संस्थेचे सचिव तथा वसंत प्रतिष्ठानचे महेशराव खारकर, ॲड. उमेशराव खारकर आणि सदस्यांनी केले आहे.
