गटशिक्षणाधिकारी वाघमारे यांनी प्रत्यक्ष भेट देऊन घेतला कामाचा आढावा
सेलू : निवडणूक विभागाच्या मार्गदर्शनानुसार मतदान केंद्र आणि मतदार यादी अद्ययावत करण्यासाठी सध्या सेलू शहरात मॅपिंग कॅम्प उत्साहात सुरू आहेत. या मोहिमेची पाहणी करण्यासाठी गटशिक्षणाधिकारी गजानन वाघमारे यांनी प्रत्यक्ष भेट देऊन सुरू असलेल्या कामाचा आढावा घेतला.
या मॅपिंग कॅम्पमध्ये बी.एल.ओ. शिक्षक अमोल हळणे, मंगेश गोरे आणि संजय ठाकर हे तंत्रज्ञानाचा वापर करून मतदान केंद्रांची नावे निश्चित करून त्यांचे मॅपिंग करत आहेत.या प्रक्रियेमुळे मतदारांना आपले मतदान केंद्र शोधणे सोपे होणार असून निवडणूक प्रक्रियेत अधिक पारदर्शकता येणार आहे. भेटीदरम्यान वाघमारे यांनी बी.एल.ओ. शिक्षकांशी संवाद साधला आणि तांत्रिक कामात येणाऱ्या अडचणी जाणून घेतल्या. कामाचा दर्जा आणि गती पाहून त्यांनी समाधान व्यक्त केले व उपस्थित शिक्षकांना मोलाच्या सूचना केल्या. प्रशासकीय कामात शिक्षकांचे योगदान महत्त्वाचे असून, या मॅपिंग प्रक्रियेमुळे आगामी निवडणुकांचे नियोजन अधिक सुटसुटीत होईल, असा विश्वास यावेळी व्यक्त करण्यात आला. स्थानिक नागरिकांनीही या मोहिमेला सकारात्मक प्रतिसाद दिला आहे.
