रविराज निळे १०० टक्के गुण मिळवून प्रथम
परभणी : महाराष्ट्र राज्य माध्यमिक व उच्च माध्यमिक शिक्षण मंडळ, पुणे यांच्या वतीने घेण्यात आलेल्या फेब्रुवारी/मार्च २०२६ परीक्षेचा निकाल शुक्रवारी जाहीर झाला आहे. यामध्ये धर्मापुरी (ता.परभणी) येथील रायरेश्वर माध्यमिक व उच्च माध्यमिक विद्यालयाचा निकाल १०० टक्के लागला असून रविराज धोंडीबा निळे याने शंभर टक्के गुण मिळवून विद्यालयातून प्रथम क्रमांक पटकावला आहे
पवन शिवाजी कदम याने ९८.०० टक्के गुण मिळवून द्वितीय, तर गौरी सोमनाथ वाळेकर हिने ९७.६० टक्के गुण मिळवून तृतीय क्रमांक मिळवला आहे. ५८ विद्यार्थ्यांनी ९० टक्क्यांपेक्षा जास्त, तर २०४ विद्यार्थ्यांनी ७५ टक्क्यांपेक्षा जास्त गुण मिळवले आहेत. विषयनिहाय सर्वोत्तम गुणांमध्ये मराठी ९८, संस्कृत १००, हिंदी ९८, इंग्रजी ९६, गणित १००, विज्ञान ९९ आणि सामाजिक शास्त्र विषयामध्ये ९७ असे सर्वाधिक गुण विद्यार्थ्यांनी प्राप्त केले आहेत. या यशाबद्दल संस्थाध्यक्ष प्रा.किरण सोनटक्के, सचिव प्राचार्य शीतल सोनटक्के, तसेच सर्व समन्वयक, विभाग प्रमुख, शिक्षक आणि शिक्षकेतर कर्मचारी यांनी अभिनंदन केले आहे.
